Amerikalyq OpenAI kompaniiasy äzırlegen ChatGPT intellektualdy chat-boty Qazaqstanda endı qosylǧan qūn salyǧyn (QQS) töleidı. Būl turaly Qarjy ministrlıgınıŋ memlekettık kırıster komitetı mälımdedı, dep habarlaidy “Adyrna”.
“OpenAI-dı şartty salyq töleuşı retınde tırkeu – sifrlyq ekonomikada aşyqtyq pen teŋ salyq salu şarttaryn qamtamasyz etu boiynşa jüielı jūmystyŋ bölıgı. 2022 jyldan bastap Qazaqstanda sifrlyq qyzmetterge salyq – qazaqstandyq paidalanuşylarǧa qyzmet körsetetın transūlttyq IT kompaniialardy qamtityn "Google salyǧy" dep atalatyn salyq küşıne endı”, – delıngen habarlamada.
Endı OpenAI basqa jahandyq sifrlyq platformalar siiaqty Qazaqstan aumaǧynda jeke tūlǧalarǧa qyzmet körsetkenı üşın QQS töleuge mındettı.
Aita ketsek, ChatGPT — mätındık sūraulardy taldai alatyn, logikalyq jauaptardy qūra alatyn jäne oquǧa, baǧdarlamalauǧa jäne şyǧarmaşylyqqa kömektese alatyn GPT tıl ülgısıne negızdelgen quatty AI qūraly. Ol bılım beruden bizneske deiın ärtürlı salalarda virtualdy kömekşı retınde belsendı türde qoldanylady.
Memlekettık kırıster komitetı Qazaqstannyŋ salyq jüiesıne halyqaralyq sifrlyq qyzmetterdı tartu jūmystary jalǧasatynyn atap öttı. Būl qarqyndy damyp kele jatqan sifrlyq ekonomika jaǧdaiynda neǧūrlym ädıl jäne aşyq salyqtyq ortany qūruǧa mümkındık beredı.
