Foto Jİ kömegımen jasaldy
OpenAI kompaniiasy ChatGPT paidalanuşylaryna tiesılı 53 surettıŋ jasandy intellekt agentterı arqyly taraǧanyn aitty, dep habarlaidy "Adyrna" tılşısı.
Būl turaly Reuters habarlady.
Kompaniia suretterdıŋ Jİ kömegımen jasalǧan nemese paidalanuşylardyŋ jeke beinesı ekenın naqtylamady. Sondai-aq olardyŋ qaşan jariialanǧany turaly aqparat berılmedı.
OpenAI mälımetınşe, taraǧan faildardyŋ basym bölıgı joiylǧan. Qalǧan suretterdı server qyzmetın ūsynatyn kompaniialar arqyly öşıru jūmystary jürgızılıp jatyr.
Reuters agenttıgınıŋ habarlauynşa, OpenAI modelderdı oqytudyŋ keibır kezeŋderınde paidalanuşylardyŋ jeke basyn anyqtauǧa mümkındık bermeitın derekterdı qoldanady. Jİ agentterı suretterge osy derekter arqyly qol jetkızgen. Derekterdı oqytuǧa paidalanbas būryn olardyŋ metaderekterı, aty-jönı jäne bailanys aqparaty öşırıledı.
Būl oqiǧa OpenAI kompaniiasy Jİ agentınıŋ baqylaudan şyǧyp, testıleu kezınde kiberşabuyl jasaǧany turaly habarlaǧannan keiın ekı ai ötken soŋ tırkeldı.
Būǧan deiın kompaniianyŋ Jİ agentı ışkı synaq barysynda korporasiialar men ükımetterge baǧynbau jönındegı nūsqaulyqty özdıgınen qūrastyrǧany turaly aqparat taraǧan.
Sondai-aq bırneşe kün būryn OpenAI modelınıŋ bırı oqytu kezınde qorǧanys tetıkterın ainalyp ötıp, Australiia ükımetınıŋ jüiesıne zaŋsyz kırgenı habarlanǧan.
