2025 jyldyŋ säuır aiynyŋ soŋynda Almaty qalasynyŋ Bostandyq audandyq soty Lunin Andrei Borisovichtıŋ «Fridom Finans» aksionerlık qoǧamyna qarsy avtorlyq qūqyqty būzu ısı boiynşa talabyn qanaǧattandyrdy. Sot şeşımımen jauapkerge tiesılı äleumettık jelı paraqşalarynan talapkerge tiesılı fotosuretterdı alyp tastau jäne avtorlyq qūqyqty būzǧany üşın ötemaqy töleu mındetteldı, dep habarlaidy “Adyrna” ūlttyq portaly QazTAG-qa sıltep.
Andrei Lunin – tanymal qazaqstandyq fotograf, «Press House» JŞS-nıŋ (Forbes Kazakhstan jurnaly) ştattyq qyzmetkerı.
2017 jyldyŋ qyrküiegınen bastap 2023 jyldyŋ nauryzyna deiın talapker jūmys beruşınıŋ (Press House JŞS) tapsyrysy boiynşa fotosuretter tüsırgen. Atap aitqanda, ol taulardyŋ töbesınde «BANK RBK» jazuy bar ǧimarattyŋ joǧarǧy bölıgın jäne Timur Ruslanūly Turlovtyŋ fotosuretterın jasaǧan. Būl fotosuretter keiın forbes.kz saityndaǧy maqalalardy bezendıru üşın paidalanylǧan.
2023 jyldyŋ şılde aiynda Andrei Lunin avtorlyq qūqyqtary özıne tiesılı būl fotosuretterdıŋ Instagram jelısındegı ffin.kz jäne ffin.life akkaunttarynda zaŋsyz qoldanylǧanyn anyqtaǧan. https://ffin.kz/ saityndaǧy aqparatqa säikes, būl domen «Fridom Finans» AQ-ǧa tiesılı. Būl derek www.ps.kz saityndaǧy aqparatpen de rastalady («İnternet-kompaniia PS» — qazaqstandyq hosting jäne domen tırkeuşı).
Jauapker ffin.kz jäne ffin.life Instagram paraqşalarynda talapkerdıŋ rūqsatynsyz, avtor retınde esımın körsetpei fotosuretterdı jariialaǧan. Būl kelesı avtorlyq qūqyqtardy būzkǧa jatady:
- avtordyŋ moraldyq qūqyǧy — esımdı körsetu qūqyǧy;
- mülıktık erekşe qūqyq — tuyndyny öŋdeu, qaita jasau qūqyǧy;
- mülıktık erekşe qūqyq — tuyndyny jūrtşylyqqa jetkızu qūqyǧy (Qazaqstan Respublikasy Joǧarǧy Sotynyŋ 2007 jylǧy 25 jeltoqsandaǧy №11 Normativtık qaulysynyŋ 13-1-tarmaǧy).
Osyǧan bailanysty jäne Qazaqstan Respublikasynyŋ «Avtorlyq qūqyq jäne sabaqtas qūqyqtar turaly» Zaŋynyŋ 49-babynyŋ 3-tarmaǧyna, QR Azamattyq ıs jürgızu kodeksınıŋ 148–149-baptaryna süiene otyryp, talapker Lunin A.B. kelesı talaptardy qoidy:
- «Fridom Finans» AQ tarapynan ffin.kz jäne ffin.life akkaunttarynda 2020 jylǧy 16 mausymda, 2021 jylǧy 1 qazanda, 2022 jylǧy 12 qaŋtarda jäne 2023 jylǧy 16 nauryzda zaŋsyz jariialanǧan fotosuretter boiynşa avtorlyq qūqyqtarynyŋ būzylǧanyn moiyndau;
- Qūqyqty būzyp otyrǧan äreketterdı toqtatu jäne būl fotosuretterdı atalǧan Instagram paraqşalarynan alyp tastau;
- «Fridom Finans» AQ-nan ötemaqy öndıru.
Bostandyq audandyq soty «Fridom Finans» aksionerlık qoǧamyna ffin.kz jäne ffin.life Instagram paraqşalarynan 2020 jylǧy 16 mausymda, 2021 jylǧy 1 qazanda, 2022 jylǧy 12 qaŋtarda jäne 2023 jylǧy 16 nauryzda jariialanǧan fotosuretterdı joiudy, sondai-aq avtorlyq qūqyqty būzǧany üşın Lunin Andrei Borisovichtıŋ paidasyna ötemaqy töleudı mındettedı.
