Paıǵambarǵa til tıgizgeni úshin 24 jylǵa sottady

4344
Adyrna.kz Telegram
Foto:elements.envato.com
Foto:elements.envato.com

Nıgerııa soty "Paıǵambarǵa til tıgizetin habarlamalar" úshin er adamdy 24 jylǵa bas bostandyǵynan aıyrdy, - dep habarlaıdy «Adyrna» ulttyq portaly Deutsche Welle  saıtyna siltep.

Basylymnyń málimetinshe, oqıǵa ateıst, Nıgerııa Gýmanıstik qaýymdastyǵynyń prezıdenti Mýbarak Bala týraly bolyp otyr. Soltústik Afrıkadaǵy musylmandar basym turatyn Kano shtatynyń prokýrorlary Balanyń Facebook áleýmettik jelisindegi jazbalaryn Muhammed paıǵambar men Islamdy balaǵattap, «qoǵamdyq tynyshtyqty buzýǵa» baǵyttalǵan dep málimdedi.

«Sonymen sot Muhammed Múbarak Balany 24 jylǵa sottady... Bul onyń sotty kútý úshin ótkizgen ýaqytyn eskeredi», - dedi sýdıa Farýk Lovan Kano qalasynda.

Balanyń uzaq ýaqyt boıy kinásizdigin aqtap kelip, biraq 5 sáýirde ótken sot otyrysynda ol «Qudaıǵa til tıgizdi» degen aıypty moıyndady. Basylym eger er adam Nıgerııadaǵy ıslam sharıǵaty sottarynyń birinde sottalsa, ol ólim jazasyna kesilýi múmkin ekenin túsindirdi.

Al, Halyqaralyq gýmanıstik jáne etıkalyq odaq ókilderi sot sheshimin aıyptap, er adamdy bosatýǵa shaqyrdy.

"Nıgerııadaǵy gýmanıstik qoǵamdastyq Múbarak Balanyń "qudaıǵa til tıgizdi" degen úkimine qatty tań qaldy. 21-shi ǵasyrdaǵy sottyń Facebook-tegi jazbalary úshin adamdy sottaı alatyny uıat", - dedi Humanists International basqarma múshesi Leo Igve.

"Ol dinı emes pikirdi bildiretin quqyq buzýshylyqtar úshin aıyptalyp, kináli dep tanyldy. Biz Nıgerııa bıligin múldem ádiletsiz jáne múldem sáıkes kelmeıtin úkimniń kúshin joıýǵa jáne jazyqsyz dosymyz ben áriptesimizdi bosatýǵa shaqyramyz", - dedi Gýmanıster halyqaralyq uıymynyń prezıdenti Endrıý Kopson.

Aıta ketý kerek, mundaı oqıǵa birneshe elde kezdesip otyr. Máselen, qańtarda Pákistan soty qyzdy WhatsApp pen Facebook jelilerine jibergen «qudaıǵa til tıgizetin habarlamalary» úshin ólim jazasyna kesken.

«Adyrna» ulttyq portaly.

Pikirler