Türkıstan qalasynyŋ tūrǧyny özınıŋ büiregın satpaq bolǧan. Būl turaly oblystyq sot mälımdedı, dep habarlaidy "Adyrna".
Byltyr aqpanda er adam özınıŋ büiregın satatynyn aityp, telegram arnasyna jarnama jasaǧan.
"Sottaluşydan büiregın satyp almaq bolyp, ışkı ıster organdarynyŋ qyzmetkerı jasyryn kelısedı. Er adam 13 mln teŋgege satuǧa kelısıp, 5 mln teŋge aqşa qarajatyn qolma-qol alu barysynda ūstalǧan", - deidı sotta.
Is Türkıstan qalasynyŋ audanaralyq sotynda qaraldy. Taǧylǧan aiyp - "Transplantasiialau ne özgedei paidalanu üşın tırı adamanyŋ aǧzalaryna qatysty zaŋsyz mämıleler jasauǧa oqtalu".
Sottaluşy öz kınäsın tolyq moiyndap, būl äreketke auyr materialdyq jaǧdaiy men aqşa qarajatyna mūqtajdyǧy sebep bolǧanyn aitqan.
"Sot jasalǧan äreket auyrlyǧy ortaşa qylmys sanatyna jatatynyn jäne ziian keltırılmegenın eskerdı. Sottaluşy raqymşylyq jasau turaly zaŋǧa bailanysty qylmystyq jauaptylyqtan bosatyldy", - deidı Türkıstan oblystyq sotynda.
