Käsıpker Timur Turlov az uaqyt ışınde öz bailyǧyn 5,8 milliard dollardan 7,2 milliard dollarǧa deiın ūlǧaitty, dep habarlaidy "Adyrna" ūlttyq portaly Forbes jurnalyna sıltep.
2024 jylǧy 8 mamyrda jariialanǧan tızımde Turlov 5,8 milliard dollarlyq kapitalymen ekınşı orynda bolǧan. Bırınşı oryndy 7,1 milliard dollarmen Viacheslav Kim ielengen edı. Alaida, 15 mamyrdaǧy mälımetke säikes, Timur Turlovtyŋ bailyǧy 7,2 milliard dollarǧa jetıp, ol Qazaqstandaǧy eŋ bai adamǧa ainaldy.
Üşınşı orynda – Vladimir Kim (5,7 mlrd dollar), al Dinara men Timur Qūlybaevtardyŋ ärqaisysynyŋ bailyǧy 5,5 milliard dollardy qūraidy.
BAQ-ta taraǧan aqparatqa säikes, Timur Turlov 2010 jyldary otbasymen bırge Qazaqstanǧa qonys audarǧan. Qazır Almaty qalasynda tūryp jatyr.
Ol 2022 jyly Resei men Karib teŋızı maŋyndaǧy Sent-Kits jäne Nevis memleketınıŋ tölqūjatynen bas tartyp, Qazaqstan azamattyǧyn alǧan.
Sonymen qatar, Timur Turlov älemdık milliarderler reitingınde 463-orynǧa jaiǧasqan.
Turlov basşylyq etetın Freedom Holding aksiialarynyŋ qūnynyŋ ösken. 14 mamyrda kompaniianyŋ naryqtyq qūny Niu-Iork qor birjasynda 10 milliard dollarǧa jetse, 15 mamyrda būl körsetkış 10,27 milliard dollardan asty. Timur Turlov holdingtıŋ 69,52% aksiiasyna ie.
Aita keteiık, ötken aida Freedom Holding kompaniiasyna qatysty şu şyqqan. “Alaiaqqa aldandym” degen zeinetker Prezidentke ündeu jasap, Freedom Holding kompaniiasynyŋ iesı Timur Turlovtyŋ elımızdegı qyzmetıne tosqauyl qoiudy sūraǧanyn habarlaǧan edık.
Ūqsas jaŋalyqtar
