Foto: forbes.kz
Reseidıŋ Bas prokuraturasy qazaqstandyq käsıpker, Halyqaralyq şahmat federasiiasynyŋ (FIDE) prezidentı Timur Tūrlov pen onymen bailanysty qūrylymdardyŋ mülkın tärkıleu turaly talap-aryzynan bas tartty. Būl turaly «İnterfaks» jazdy, dep habarlaidy “Adyrna”.
Mäskeudıŋ Tver audandyq sotynda talap-aryzdy qarau künın belgıleu mäselesı talqylanyp jatqan kezde sudia: «14 qazanda Bas prokurordyŋ orynbasary Tkachev qol qoiǧan talap-aryzdan bas tartu turaly ötınış sottyŋ keŋsesıne kelıp tüstı», – dep mälımdedı.
Qazan aiynyŋ basynda Reseidıŋ Bas prokuraturasy Timur Tūrlov pen onymen bailanysty qūrylymdardyŋ mülkın memleket kırısıne ötkızu turaly talap-aryz bergen bolatyn. Qūqyq qorǧau organdaryndaǧy derekközderdıŋ «İnterfaksqa» habarlauynşa, söz jalpy qūny jüzdegen million dollardy qūraityn aqşa qarajaty, özge de aktivter, sondai-aq jyljymaly jäne jyljymaityn mülık turaly bolǧan.
Tūrlovtan bölek, jauapkerler qatarynda onymen bailanysty Freedom Holding Corp., Freedom Finance Europe Ltd. jäne W-Empirical Holding Corp. kompaniialary, sondai-aq onyŋ ısker serıktesı, käsıpker Arkadii Şukin boldy.
Talap-aryz boiynşa aldyn ala sot otyrysy 15 qazanǧa belgılengen edı.
Būǧan deiın «Kommersant» basylymy būl talap-aryz prokuraturanyŋ Tūrlovty, Şukindı jäne olarmen bailanysty kompaniialardy ekstremistık ūiymdar dep tanu nietımen bailanysty boluy mümkın dep boljaǧan. Mūndai şeşım olardyŋ mülkın tärkıleuge mümkındık berer edı. Alaida Bas prokuratura men sot talap-aryzdyŋ naqty män-jaiyn resmi türde jariialamady.
Basylym derekközderınıŋ mälımetınşe, Resei bilıgınıŋ nazaryna Ukrainanyŋ gumanitarlyq jobalaryn qarjylandyru mäselesı ılıkken. «Kommersant» jazǧandai, Tūrlov Qazaqstandaǧy Ukraina elşılıgıne 1 mlrd teŋge (2,2 mln dollar), sondai-aq Ukrainany qoldaǧan qazaqstandyq qaiyrymdylyq qorlaryna 371,5 mln teŋgeden astam (820 myŋ dollar) qarajat audarǧan.
Basylymnyŋ mälımetınşe, Freedom Holding kompaniiasynyŋ europalyq qūrylymy UNITED24 platformasy arqyly jedel järdem kölıkterın satyp aluǧa jäne basqa da gumanitarlyq qajettılıkterge 2 mln euro bölgen.
2022 jyly Tūrlov Resei azamattyǧynan bas tartyp, Qazaqstan azamattyǧyn aldy. Ol AQŞ-ta tırkelgen jäne Nasdaq qor birjasynda saudalanatyn Freedom Holding Corp. qarjy tobynyŋ negızın qalauşysy, negızgı aksionerı ärı basşysy.
Tūrlovtyŋ toby Reseidıŋ baǧaly qaǧazdar naryǧynda belsendı jūmys ıstegen. Alaida 2022 jylǧy mausymda Resei naryǧynan şyǧatynyn jäne jergılıktı menedjmentke aktivterın satatynyn jariialady. Mämıle 2023 jyldyŋ basynda aiaqtaldy. Osydan keiın Freedom-nyŋ Reseidegı būrynǧy aktivterı ataularyn özgerttı.
2026 jyldyŋ qyrküiek aiynyŋ soŋynda Timur Tūrlov FIDE prezidentı bolyp sailandy.
Freedom Holding Corp. Qazaqstan, Özbekstan jäne Äzerbaijandy qosa alǧanda, älemnıŋ 20-dan astam elınde jūmys ısteidı. Top brokerlık qyzmet körsetu, investisiialyq keŋes beru, baǧaly qaǧazdarmen sauda jasau, investisiialyq banking jäne saqtandyru siiaqty qarjylyq qyzmetter ūsynady.
