Būl ündeu internette taraǧan, ekı halyqtyŋ arasyna jık saludy közdeitın beinejazbaǧa bailanysty jariialanǧan.
«Qazaq pen qyrǧyz – ejelden bauyrlas, ruhani jaqyn halyqtar. Bızdıŋ ata-babalarymyz būl tuystyqty bır ǧana jolmen bıldırgen: "Qazaq pen qyrǧyz – tuysqan halyqtar"», – dep jazdy Japarov.
Ol Jūban Moldaǧalievtıŋ:
«Men – qazaqpyn, qyrǧyz – al tuysqanym,
Bırge tartqan tarlannyŋ qūiysqanyn...» - degen jyr joldaryn eske alyp, būl öleŋnıŋ halyqtar arasyndaǧy ruhani bailanys pen bauyrlastyqty tereŋ sipattaitynyn aitty.
Sadyr Japarov tarihtaǧy dauly kezeŋderdı, onyŋ ışınde han Kenesarynyŋ Qyrǧyz jerıne jasaǧan joryǧyn qozǧap, būl taqyryptyŋ ünemı arazdyq tudyru üşın paidalanylatynyn aitty. Ol būl tarihi kezeŋdı jeke zerttegenın, äkesı – belgılı şejıreşı Nūrǧojo ajydan köp mälımet alǧanyn atap öttı.
Prezident Ormon han men Kenesary arasyndaǧy qaqtyǧys jaily da jazǧan. Onyŋ sözınşe, Ormon han Kenesaryǧa qarsy soǧysta aila men äskeri şeberlık tanytyp, jeŋıske jetken. Sonymen qatar, Kenesary hannyŋ basy Reseige qalai jetkızılgenı turaly tarihi derekter keltırıp, osy taqyrypta arandatuşylardyŋ bar ekenın aitty.
Sadyr Japarov jastardy solarǧa ermeuge şaqyrdy.
«Qazırgı zamanda bızge arazdyq emes, yntymaq kerek. Ekı eldıŋ jastary – bolaşaq ielerı. Olar tarihty būrmalamai, şynaiy türde zerttep, mäŋgılık dostyqqa öz ülesın qosuy tiıs», - dedı ol.
Soŋynda prezident ülken analarynyŋ bırı qazaq qyzy bolǧanyn aityp, qazaq halqymen tuystyq bailanysyn maqtanyşpen jetkızdı.
«Menıŋ babam Soltonqūldyŋ jary – qazaq qyzy Noocha bolǧan. Sondyqtan men özımdı qazaq halqynyŋ jienı sanaimyn», – dedı.
