بۇل ۇندەۋ ينتەرنەتتە تاراعان، ەكى حالىقتىڭ اراسىنا جىك سالۋدى كوزدەيتىن بەينەجازباعا بايلانىستى جاريالانعان.
«قازاق پەن قىرعىز – ەجەلدەن باۋىرلاس، رۋحاني جاقىن حالىقتار. ءبىزدىڭ اتا-بابالارىمىز بۇل تۋىستىقتى ءبىر عانا جولمەن بىلدىرگەن: "قازاق پەن قىرعىز – تۋىسقان حالىقتار"»، – دەپ جازدى جاپاروۆ.
ول جۇبان مولداعاليەۆتىڭ:
«مەن – قازاقپىن، قىرعىز – ال تۋىسقانىم،
بىرگە تارتقان تارلاننىڭ قۇيىسقانىن...» - دەگەن جىر جولدارىن ەسكە الىپ، بۇل ولەڭنىڭ حالىقتار اراسىنداعى رۋحاني بايلانىس پەن باۋىرلاستىقتى تەرەڭ سيپاتتايتىنىن ايتتى.
سادىر جاپاروۆ تاريحتاعى داۋلى كەزەڭدەردى، ونىڭ ىشىندە حان كەنەسارىنىڭ قىرعىز جەرىنە جاساعان جورىعىن قوزعاپ، بۇل تاقىرىپتىڭ ۇنەمى ارازدىق تۋدىرۋ ءۇشىن پايدالانىلاتىنىن ايتتى. ول بۇل تاريحي كەزەڭدى جەكە زەرتتەگەنىن، اكەسى – بەلگىلى شەجىرەشى نۇرعوجو اجىدان كوپ مالىمەت العانىن اتاپ ءوتتى.
پرەزيدەنت ورمون حان مەن كەنەسارى اراسىنداعى قاقتىعىس جايلى دا جازعان. ونىڭ سوزىنشە، ورمون حان كەنەسارىعا قارسى سوعىستا ايلا مەن اسكەري شەبەرلىك تانىتىپ، جەڭىسكە جەتكەن. سونىمەن قاتار، كەنەسارى حاننىڭ باسى رەسەيگە قالاي جەتكىزىلگەنى تۋرالى تاريحي دەرەكتەر كەلتىرىپ، وسى تاقىرىپتا ارانداتۋشىلاردىڭ بار ەكەنىن ايتتى.
سادىر جاپاروۆ جاستاردى سولارعا ەرمەۋگە شاقىردى.
«قازىرگى زاماندا بىزگە ارازدىق ەمەس، ىنتىماق كەرەك. ەكى ەلدىڭ جاستارى – بولاشاق يەلەرى. ولار تاريحتى بۇرمالاماي، شىنايى تۇردە زەرتتەپ، ماڭگىلىك دوستىققا ءوز ۇلەسىن قوسۋى ءتيىس»، - دەدى ول.
سوڭىندا پرەزيدەنت ۇلكەن انالارىنىڭ ءبىرى قازاق قىزى بولعانىن ايتىپ، قازاق حالقىمەن تۋىستىق بايلانىسىن ماقتانىشپەن جەتكىزدى.
«مەنىڭ بابام سولتونقۇلدىڭ جارى – قازاق قىزى نووچا بولعان. سوندىقتان مەن ءوزىمدى قازاق حالقىنىڭ جيەنى سانايمىن»، – دەدى.
