Jurnalist, qoǧam belsendısı Mūhtar Tümenbai tanymal telejurnalist Maiia Bekbaevaǧa şüilıktı, dep habarlaidy «Adyrna» tılşısı.
Aituynşa, Bekbaeva öz beinejazbalarynyŋ bırınde qazaq äielderın kemsıtken.
«Men ne körıp otyrmyn özı? Būl ne sūmdyq, Maiia Bekbaeva? Bılmeitınder üşın oqiǧanyŋ män-jaiyn aityp bereiın. Madam Maiia alaşordaşylardyŋ bır bölıgı ne sebeptı orys äielıne üilengenı turaly video tüsırıptı. Qyzdarǧa emes, äielderge deidı. Özın jurnalist sanaityn Bekbaeva, «sol tūstaǧy qazaq äielı orys äielderımen salystyrǧanda bäsekege qabıletsız bolǧan, talapqa sai kelmegen. Alaştyqtar özıne teŋ keletın jar ızdedı…» dep otyr. Mūny Qazaqstanda atap ötıletın «Analar künı» qarsaŋynda aitqan. Osy sözıŋmen qasiettı qazaq anasynyŋ atyna kır keltırıp otyrǧanyŋdy bılesıŋ be? Qazaq dalasyna batyr, bi, han syilaǧan analarymyzdyŋ ūrpaǧyna būlaişa tıl tigızuge saǧan kım qūqyq berdı?» – dedı ol.
Al Maiia Bekbaeva jurnalistke bergen jauabynda būl aiyptaulardy joqqa şyǧardy.
«Alaş kösemderınıŋ taŋdaǧan äielderı turaly sol şyǧarylymda, aita keteiın, būl bırneşe jyl būryn jariialanǧan, sızder sonşalyq aşulanatyndai sözder aitylmady. Būl – qazırgı qazaq qyzdaryna, olardyŋ ata-analaryna, äkelerıne, aǧalaryna, küieulerıne arnalǧan ündeuım edı. Bızdıŋ qoǧamdaǧy qyz-kelınşekterge degen seksistık jäne kemsıtuşı közqaras – şynaiy mäsele. Maǧan arnalǧan sızdıŋ jazbaŋyz – sonyŋ dälelı. Qazaq äielı azap şegıp, qūrmetke, özıne degen teŋ qūqyq pen mümkındıkterge laiyq. Bılım alyp, mansap qūruǧa, mahabbatpen tūrmys qūruǧa qūqyǧy bar. Qazaq äielı mūndai qarym-qatynasqa endı tözbeidı. Sızdıŋ menı osylai kemsıtuge qandai qūqyǧyŋyz bar? Sızdı kım osylai tärbieledı?
Sız turaly aqparat öte az, sızdı köpşılık bılmeidı. Bıraq atyŋyz tanymal. Sızdı Mūhtar Äuezovtıŋ qūrmetıne ataǧan şyǧar. Mūhtar Omarhanūlynyŋ ızınen osy esımdı ielengen köptegen abyroily azamattar öttı. Bıraq sızge qarap, menıŋ esıme mülde basqa Mūhtar tüsedı»,— dep jazdy Bekbaeva.
