Qylysh

4325
Adyrna.kz Telegram

Kezinde aıqastarda kesý arqyly qoldanylǵan qarý – qylysh. Erterekte semserdep atalǵan onyń eki júzi, al sapynyń bir júzi bolǵan. Qylysh (semserdiń, sapynyń) bólikteri mynadaı: kesetin temiri – «bolaty», qolǵa ustaıtyn bóligi –«saby». Ol aǵashtan, múıizden jasalyp, ushy altyndalyp, asyl tastarmen áshekeılenedi. Sabyna qolǵa ilip alý úshin taǵatyn jibi – «búldirgi». Búldirginiń ushy kishkentaı shashaqpen bitedi. Qylyshtyń (semserdiń, sapynyń) sapqa kirgiziletin bóligi – «jetesi». Saby men qylyshtyń bolaty túıisken jerde qoldy tirep turatyn temiri – «baldaǵy». Qarýdyń mańyzdy bóligi bolǵandyqtan, baldaqty altyndap, kúmistep, asyl tastarmen áshekeılegen. Saq, skıf, túrki, qypshaqtardyń ár zamanda qoldanǵan sapy, semser, qylyshtarynyń baldaqtary ár túrli. Qylyshtyń bolatynyń túzý bóligi — «alqymy», kesýge qoldanatyn bóligi – «basy», kesetin jeri – «ushy». Keıbir qylyshtardyń basy aýyr bolý úshin jalpaıyńqyrap kelip, syrt jaǵy shyǵyńqy bolady. Ony «jalmany» deıdi.

 

Pikirler