Abai atyndaǧy Qazaq ūlttyq pedagogikalyq universitetı student qyzdardy jinap, özderın qalai ūstau keregı turaly nasihat jasaǧan. Mūny student qyz Qumash Telegram-arnasyna aityp bergen, dep habarlaidy “Adyrna” ūlttyq portaly.
Jiynda aqyl men moralǧa toly plakattar da bolǧan. Plakattarda qyz «aqyryn söilep, er adamǧa jol beruı kerektıgı» jazylǧan.
“Universitet äkımşılıgı bırınşı kurstyŋ barlyq qyzyn iaǧni 40-50 adamdy jinap, qyz bala inabatty, ibaly bolu kerek degen plakattardy ılgen. Sodan keiın ärtürlı jastaǧy er adamdardyŋ qyzdardyŋ mınez-qūlqy turaly aitqan videorolikterın qosqan”, – delıngen arnada.
Studenttıŋ aituynşa, videonyŋ negızgı tezisı qyzdar aşyq-şaşyq kiınbeuı keregın, qatty dauys şyǧaryp söilemeuge tiıs ekenın, er adamdardy körgende, iılıp sälemdesu keregın tüsındıredı. Sondai-aq ūzyn beldemşe kiiu ädeptılık belgısı dep aitqan.
Sonymen qatar aǧa oqytuşy europalyq äielderge elıkteuge bolmaitynyn aitqan. Olardyŋ şamadan tys erkındıgınen LGBT jäne basqa da närseler keŋ taralǧanyn aitty. Olardy jiynnan şyǧarmai qoiypty.
Jelı qoldanuşylarynyŋ bırazy “jıgıtter qandai boluy keregı turaly da jiyn ötkızıŋızderşı”, “Äielderdı jaiyna qaldyryŋyzdar. Bızdı tärbielep, aqyl aitudy doǧaryŋyzdar. Qyzdar öz ömırıne özı jauapkerşılık ala alady. Erlerge özın-özı ūstaudy üiretıŋızder” dep jazsa, keibırı “salt-dästürın üireteiın dep jatyr ǧoi” dep jazǧan. Universitet jiyn ötkenın rastady. Olar būl närsenı «ūlttyq qūndylyq pen Abai Qūnanbaevtyŋ tälım-tärbielık filosofiiasyn därıpteu» dep tüsındırıp, mūndai ıs-şaralar tūraqty ötkızılıp tūratynyn aitqan.Ūqsas jaŋalyqtar
