Ataqty skripkaşy, Qazaqstannyŋ Halyq ärtısı Aiman Mūsaqojaeva alaiaqtyŋ arbauyna tüsıp, 200 myŋ dollardan aiyryldy, dep habarlaidy "Adyrna" ūlttyq portaly Ertenmedia-ǧa sılteme jasap.
Almaty qalasyndaǧy Almaly audandyq soty 37 jastaǧy Arman Täjenovke qatysty alaiaqtyq ısın qarap, ükım şyǧardy. Is materialdaryna säikes, Täjenov özın ŪQK töraǧasynyŋ jienımın dep tanystyryp, lauazymdy qyzmetke qaita taǧaiyndauǧa kömektesemın dep uäde bergen.
Bastapqyda ol Şymkentte şekara qyzmetınen jūmystan şyqqan azamatty qaita jūmysqa tūrǧyzuǧa kömektesemın dep 10 myŋ dollar jäne 2 million teŋge alǧan. Keiınırek ataqty skripkaşy Aiman Mūsaqojaeva men onyŋ küieuı, käsıpker Asqar Bekbaevpen bailanys ornatyp, olardyŋ senımıne kırgen.
Mūsaqojaeva 1998 jyldan berı Qazaq ūlttyq öner universitetın basqaryp kelgenımen, 2024 jyldyŋ basynda qyzmetınen bosatylǧan bolatyn. Zeinetke şyqqannan keiın rektorlyq qyzmetke qaita oralu nietımen küieuı Täjenovke 200 myŋ dollar bergen. Aldynda aqşanyŋ jartysyn alǧan alaiaq, keiın taǧy 100 myŋ dollar talap etıp, ızın suytqan.
Mūsaqojaeva qūqyq qorǧau organdaryna şaǧymdanyp, alaiaq 2023 jyldyŋ qaraşasynda qamauǧa alyndy. Tergeu kezınde Täjenov kınäsın moiyndap, keltırılgen zalaldy tolyq ötegen.
Sot Täjenovtı kınälı dep tanyp, 4 jyl şartty jaza taǧaiyndady. Būl şeşım äzırge zaŋdy küşıne engen joq.
Äleumettık jelı qoldanuşylary Mūsaqojaevanyŋ aqşa arqyly qyzmetke qaita oralu äreketın synǧa aluda. Olar "memlekettık lauazymdardy satyp aluǧa tyrysudyŋ özı – zaŋ men etikaǧa qaişy" degen pıkırde.
