Nūrlan Bimurzin eks-prezident Nūrsūltan Nazarbaevtyŋ qyzy Äliia Nazarbaeva men Konstitusiialyq keŋestıŋ būrynǧy töraǧasy İgor Rogovtyŋ jūbaiy Valentina Rogovaǧa qarsy ädıldık ızdeude, dep habarlaidy "Adyrna" ūlttyq portaly QazTAG-qa sıltep.
Käsıpker Nūrlan Bimurzin reiderlık şabuyl boiynşa ädıldıkke qol jetkızu üşın AQŞ, Ūlybritaniia jäne Şveisariia siiaqty üş halyqaralyq iurisdiksiiada aryzdanatynyn mälımdedı.
"Biylǧy aqpan aiynan bastap bızdıŋ biznesımızge, mülkımızge, aktivterımızge, janarmai qūiu stansiialaryna jäne mūnai bazalaryna jasalǧan reiderlık şabuyl boiynşa Bas prokuraturaǧa köptegen aryz jazdyq. Materialdarymyz IIM men Ekonomikalyq tergeu departamentınde qaralǧanymen, olardan tek jauapsyz hattar aldyq. Bızdıŋ ısterımız qabyldanbai, ıs jürgızu merzımı ötıp kettı degen syltaumen jabylyp otyrdy. Konstitusiiada ärbır azamattyŋ qorǧanysqa qūqyǧy bar dep jazylǧanymen, öz elımızde bız būl qorǧauǧa qol jetkıze almadyq. Sondyqtan halyqaralyq instansiialarǧa jügınuge tolyq moraldyq qūqyǧymyz bar. Bız AQŞ, Ūlybritaniia, Ūlttyq qylmys agenttıgı (NCA) jäne Şveisariianyŋ Bas prokuraturasyna aryz jazdyq," – dedı Bimūrzin.Biznesmennıŋ aituynşa, halyqaralyq instansiialarǧa şaǧymdanu üşın qajettı qūjattar tolyq daiyn.
"Bız barlyq kelısım-şarttar men dälelderdı jinadyq. Qūjattarymyz zaŋdyq tūrǧydan bırdei küşke ie. Qazır bızdıŋ aryzdarymyz tiıstı mekemelerge jettı. Tergeu bastalǧan jaǧdaida qūjattardyŋ tolyq paketın tapsyruǧa daiynbyz. Eger kütpegen jaǧdailar bolyp, otbasymyzǧa qauıp tönse, qūjattardy tergeu organdaryna jetkızetın senımdı adamymyz bar," – dep atap öttı ol.Nūrlan Bimurzin aktivterınıŋ Qytaidyŋ SinoOil kompaniiasyna zaŋsyz satylǧanyn mälımdedı.
"Bızdıŋ segız mūnai bazamyz ben 90-nan astam janarmai qūiu stansiiamyz jalpy qūny 7,126 milliard teŋgege satyldy. Alaida kompaniiamyzdyŋ naryqtyq qūny sol kezde 160-170 million dollar bolǧan. Aktivterımız üş ese tömen baǧaǧa satyldy," – dedı käsıpker.Bimurzinnıŋ aituynşa, būl ıske Valentina Rogovanyŋ belsendı qatysy da bar.
"Rogova SinoOil kompaniiasyna bızdıŋ aktivterımızdı tırkeuge arnalǧan qūjattarǧa tıkelei qol qoiǧan. Būl reiderlık şabuyldyŋ negızgı dälelı," – dedı ol.Aita keteiık, 28 aqpan künı Bimurzin Nazarbaeva men Rogova tarapynan reiderlık şabuyl jasalǧanyn mälımdedı. 14 nauryzda Bas prokuratura reiderlık ıs boiynşa aryzdy tırkegen. Al 10 mausymla Nazarbaeva sotta qazaqstandyq käsıpkerlerge jeŋılgen edı. Bimurzin ädıldık üşın kürestı jalǧastyratynyn, al Nazarbaeva men Rogovanyŋ ıs-äreketterı üşın jauap beruı tiıs ekenın aitty.
Ūqsas jaŋalyqtar
