Tūlǧalar qalyptasatyn üi. SOS jasöspırımderge arnalǧan jaŋa üi aşyldy

Astanada SOS Balalar auylynyŋ qamqorlyǧyndaǧy jastardyŋ özdıgınen ömır sürudı üirenuıne, jauapkerşılık pen täuelsızdıkke bauluǧa arnalǧan erekşe äleumettık joba – toptyq integrasiialyq jasöspırımder üiı aşyldy. Būl bastama jasöspırımderge jyly ärı qauıpsız ortada bolaşaqqa senımdı qadam jasauǧa mümkındık beredı. Joba Timur Qūlybaevtyŋ Halyk qaiyrymdylyq qorynyŋ kömegımen jüzege asty. Qor osy maqsat üşın jalpy audany 370 şarşy metrdı qūraityn ekı keŋ päterdı tabystady. Jaŋa üi jasöspırımderdıŋ derbes ärı jauapty eresek ömırge qadam basuynda maŋyzdy röl atqarady. Mūnda jastar tärbieşı-ata-analarmen bırge tūryp, öz betımen ömır sürudı, jauapkerşılıktı sezınudı jäne qalalyq ortada beiımdeludı üirenedı. Jaŋa üidıŋ jaǧdaiy otbasylyq ortaǧa barynşa jaqyndatylǧan: jaily bölmeler, oqu, demalys jäne kündelıktı tūrmysqa qolaily barlyq jaǧdailar qarastyrylǧan. «SOS Balalar auyldarymen bırlesıp, bız Almaty men Qaraǧandy qalalarynda da osyndai bırneşe jobany ıske asyrdyq. Būl jobalar balalar men otbasylardyŋ qalalyq ortada, üidıŋ jylulyǧy men jailylyǧy jaǧdaiynda damuynyŋ qanşalyqty maŋyzdy ekenın däleldedı», - deidı Halyk qaiyrymdylyq qorynyŋ direktory Saǧynbek Şüŋkeev. İntegrasiialyq jasöspırımder üiı – jastardyŋ eresek ömırge senımdı jäne qauıpsız qadam jasauyna mümkındık beredı İntegrasiialyq jasöspırımder üiınıŋ formaty jasöspırımderdıŋ qala jaǧdaiynda eresek ömırge jeŋıl ärı qauıpsız ötuıne baǧyttalǧan. Mūnda jastardyŋ äleumettık beiımdeluı men qoǧamǧa integrasiialanuy üşın mümkındıkter jasalǧan. Olar ärdaiym pedagogtar men SOS Balalar auyly mamandarynyŋ qoldauyna süiene alady. «SOS Qazaqstan Balalar auyldary» korporativtık qorynyŋ ūlttyq direktory Güljan Asanova būl joba turaly bylai deidı: «Jasalǧan zamanaui ärı qolaily jaǧdailar – tabysty oqu, demalys jäne kündelıktı ömır üşın ülken mümkındıkter aşady. Mūndai orta jasöspırımderge dūrys qūndylyqtar men ömırlık normalar turaly tüsınık qalyptastyrady. Būl, öz kezegınde, olardyŋ özdıgınen ömır sürıp, sūranysqa ie jäne bäsekege qabılettı mamandyq iesı boluǧa, öz jolyn tabuǧa degen ūmtylysyn arttyrady». Ömırge beiımdeludıŋ alǧaşqy qadamdary: Bırneşe jyl ışınde jastar:

• Qalalyq ortada erkın jürıp-tūrudy,
• Memlekettık qyzmetterdı qoldanudy (emhanalarǧa baru, HQKO qyzmetterın paidalanu),
• Öz qarjysyn sauatty basqarudy,
• Bolaşaqty sanaly türde josparlaudy üirenedı.

Jastar SOS Balalar auylynyŋ qamqorlyǧynan şyqqan kezde özderıne senımdı bolyp, Qazaqstandaǧy ärbır eresek azamat kündelıktı kezdesetın mäselelerdı öz betımen şeşuge tolyq daiyn bolady. Olar öz ömırınıŋ jauapkerşılıgın öz qolyna alyp, bolaşaǧyn senımdı türde qalyptastyra alady. 17 jastaǧy Kristina jaŋa baspana turaly äserımen bölıstı: «Päterdı alǧaş köruge kelgen sätte quanyşymyzda şek bolmady. Şamasy, körşıler bızdıŋ sonşa şattanǧanymyzǧa taŋ qalǧan da şyǧar. Bıraq būl bız üşın ülken quanyş edı. Üidı körgen boida qyzdarmen bır şeşımge keldık: endı taŋ saiyn qonaq bölmesınde bas qosyp, bır şyny kofe ışemız — tura kinodaǧydai! «SOS Qazaqstan Balalar auyldary» korporativtık qory — 1994 jyly qūrylǧan kommersiialyq emes ūiym. Qor ata-ana qamqorlyǧynsyz qalǧan nemese sondai qauıp aldynda tūrǧan balalar men jastardy qamqorlyǧyna alady. 30 jyl ışınde Qazaqstandaǧy SOS Balalar auyldarynda 900-den astam bala men jasöspırım tärbielendı jäne ömır sürıp jatyr. Sondai-aq 2500-den astam bala äleumettık jobalar aiasynda keşendı qoldau aldy. Qor Almaty, Astana, Qaraǧandy jäne Temırtauda jūmys ısteidı. Sonymen qatar, Timur Qūlybaevtyŋ Halyk qory qoldauymen ıske asyrylatyn Otbasylyq ülgıdegı balalar auyldarynyŋ üilestıru keŋesı jobasy aiasynda bükıl Qazaqstan boiynşa balalar internat mekemelerıne ädıstemelık kömek körsetedı. Halyk qaiyrymdylyq qory, Timur jäne Dinara Qūlybaevtardyŋ bastamasymen 2016 jyly qūrylǧan. Bügıngı künge deiın qor 85 milliard teŋgeden astam somaǧa 120-dan astam äleumettık jobany tabysty jüzege asyrdy.