Özbekstannyŋ tūŋǧyş prezidentınıŋ qyzy Gülnara Karimovanyŋ Şveisariiadan qaitarylǧan zaŋsyz aktivterı densaulyq saqtau jäne bılım beru salalaryndaǧy jobalarǧa baǧyttalǧan. Būl turaly Özbekstannyŋ Qarjy ministrlıgınıŋ baspasöz qyzmetı jariialady, dep habarlaidy “Adyrna” ūlttyq portaly.
Aqparatqa säikes, söz alǧaşqy tranş – 131 million dollar turaly. Osy qarajattyŋ bır bölıgıne 5841 bırlık zamanaui medisinalyq qūral-jabdyq satyp alyndy. Būl tehnika el boiynşa ornalasqan 230 perinataldyq ortalyqqa taratyldy. Sonymen qatar, därıgerler paidalanatyn 1400-den astam qūral-jabdyqty qosymşa satyp alu josparlanyp otyr.
Būdan bölek, basqa da jobalar qarjylandyryldy. Mysaly, BŪŪ ūiymdarynyŋ qoldauymen 11 myŋnan astam özbekstandyq medisina qyzmetkerı arnaiy oqudan öttı. Perzenthanalarda halyqqa qyzmet körsetuge arnalǧan 29 ūlttyq hattama men ädıstemelık nūsqaulyqtar halyqaralyq standarttarǧa säikestendırıldı.
Qarajattyŋ bır bölıgı bılım beru salasyna da bölındı. Mūnda ekı ırı bastama ıske asyrylyp jatyr. Bırınşısı – aqparattyq tehnologiialar men sifrlyq şeşımder engızu arqyly bılım beru mümkındıkterın keŋeitu jobasy. Ekınşısı – mektepterdegı sanitarlyq-gigienalyq jaǧdaidy jaqsartu, jylytu jüielerın jaŋǧyrtu jäne bılım beru mekemelerın basqaruǧa qoǧamdy tartuǧa baǧyttalǧan jobany äzırleu.
Ministrlık 2022 jyly Özbekstan men Şveisariia arasyndaǧy kelısım aiasynda BŪŪ-nyŋ köpjaqty trast qory janynan «İşonch» qory qūrylǧanyn eske saldy. Gülnar Karimovanyŋ zaŋsyz aktivterı däl osy qūrylym arqyly qaitarylady. Qarajatty böluge Azamattyq qoǧamnyŋ Strategiialyq jäne Keŋesşı keŋesterı qatysady.
Būǧan deiın habarlanǧandai, Şveisariia bilıgı qaitarǧan alǧaşqy tranş kölemı – 131 million dollar. Sondai-aq, ekınşı tranş aiasynda 182 million dollardy qaitaru jönınde de kelısım bar.
Säuır aiynyŋ basynda Belgiia da Özbekstanǧa telekommunikasiia salasyndaǧy korrupsiia men qarjy jymqyru ısı boiynşa 108 million dollardy qaitaratyny habarlanǧan. Būl aktivter de Karimovaǧa qatysy bar kompaniialarǧa tiesılı boluy mümkın.
2022 jyldyŋ qyrküiegınde Özbekstan Ädılet ministrlıgı Gülnara Karimovanyŋ şetelderde ornalasqan zaŋsyz aktivterınıŋ jalpy somasy şamamen 1,3 milliard dollardy qūraitynyn mälımdegen.
Europa elderınde Karimovanyŋ jäne onymen bailanysty kompaniialardyŋ qylmystyq äreketterıne qatysty tergeuler 2012 jyly bastalǧan. Tergeu nätijesınde Karimova Özbekstan naryǧyna şyǧu üşın telekommunikasiialyq kompaniialardan (TeliaSonera, Vimpelcom, Alfa Telecom, MTS) ırı kölemde para alǧany jäne ol qarajatty negızınen Şveisariiada zaŋsyz jolmen jasyryp, aqşany jylystatqan äreketterı däleldengen. 2018 jyly Şveisariia Karimovanyŋ 555 million dollardan astam aktivın tärkılegen.
Özbekstanda 2013 jyldan bastap Karimovaǧa qatysty bırneşe qylmystyq ıs qozǧalǧan. Oǧan ūrlyq, salyqtan jaltaru jäne qylmystyq top ūiymdastyru aiyptary taǧylǧan. Sot ükımı boiynşa ol 13 jylǧa bas bostandyǧynan aiyrylyp, Taşkent maŋyndaǧy äielder koloniiasyna qamalǧan.
