Özbekstannyŋ tūŋǧyş prezidentı İslam Karimovtyŋ qyzynyŋ qamauǧa alynǧanyna 10 jyldan asty. Sot ükımınen keiın türmede jazasyn ötep jatqanyna 9 jylǧa juyqtady. Türmede qozǧalǧan taǧy bır ıs boiynşa ol ūzaq merzımge sottalǧaly bırneşe jyl boldy. Soŋǧy jazasyn öteu merzımı 2033 jyly aiaqtalady. Türmedegı Gülnara Karimova qazır jazasyn qalai ötep jatyr?
Özbekstannyŋ tūŋǧyş prezidentınıŋ qyzy 52 jastaǧy Gülnara Karimova alǧaş 2013 jyly qamauǧa alynyp, qazır Taşkent oblysynyŋ Zäŋgı-ata audanyndaǧy äielder koloniiasynda jazasyn öteude. Ol mekeme basşylyǧy üşın "bas auruyna" ainaldy, dep habarlaidy Ozodliqqa sılteme jasap «Golos naroda».
2015 jyly 18 jeltoqsanda Gülnara Karimovany Taşkent qalalyq soty – 10 jylǧa, al 2020 jyly 18 nauryzda jaŋa qylmystyq ıs şeŋberınde 13 jylǧa bas bostandyǧynan aiyrdy. Oǧan qastandyq, bopsalau, jymqyru jäne tonau qylmystaryn jasady dep aiyp taǧyldy.
«OL ÖZIN JAMAN SEZINBEIDI»
VIP-tūtqyn Gülnara Karimovanyŋ türmedegı bülıgı turaly BAQ-tyŋ habarlamalaryna tüsınıkteme bere otyryp, mekeme ökılı anonimdık şarttarmen basylymmen sūhbattasqan. Özbekstandaǧy jalǧyz äielder türmesı – Zäŋgı-ata audanyndaǧy №21 koloniia qyzmetkerı "mekeme basşylary Gülnara Karimovanyŋ mınez-qūlqy men basqa tūtqyndarǧa qatysty arandatuşylyqtary turaly joǧary basşylyqqa bırneşe ret jügınuge mäjbür boldy" deidı.
Taşkent oblysynyŋ Zäŋgı-ata audanyndaǧy äielder koloniiasynyŋ būrynǧy tūtqyndarynyŋ bırı bloger Kirill Altmanǧa bergen sūhbatynda Gülnara Karimovanyŋ türmede "bülık şyǧarǧany" turaly aitqan.
«Bır künı bylai boldy. Ol jūmysqa şyǧady. Sol künı ol bülık şyǧarady. Sonda ony 2,5 saǧattai tyŋdap tūryp qalady. Mümkın ol özın qalai sottaǧanyn aitqan şyǧar. Ony būl jerge otyrǧyzbau kerek edı, bıraq qamaǧannan keiın, menıŋ oiymşa, rejimdı azdap saqtaǧany dūrys bolar edı. Bıraq ol ony oryndamaidy», - deidı būrynǧy tūtqyn.
Äielder koloniiasynda jazasyn ötegen būrynǧy tūtqyn Altmanmen äŋgımelesu barysynda Gülnara Karimovanyŋ narazylyq aksiiasynyŋ uaqyty men künın aitpady. Būrynǧy sottaluşy blogerdıŋ sūraqtaryna jauap bere otyryp, Gülnara Karimova üşın türmede VIP-şarttar jasalmaǧanyn, kerısınşe, ol jalpy otriadta jazasyn ötep jatqanyn atap öttı.
«Alaida onyŋ ainalasyn jaimamen qorşap tastaǧan tört tösegı bar. Ol kädımgı ashanadan tamaq ışpeidı, özıne syrttan jeke tamaq äkeledı. Oǧan köptep sälemdeme keledı. Eşkım joq kezde äldebır kölıkter kelıp, onyŋ keregın 5-10 kilolap emes, molynan äkelıp beredı. Eger ol bırdeŋenı qalasa, oǧan qol jetkıze alady. Bırde ol bır sottaluşyny körgısı kelgen. Sony basqa otriadtan şaqyrtyp aldy. Bır sözben aitqanda, ol özın jaman sezınbeidı», - deidı būrynǧy tūtqyn. Basylym söilesken äielder koloniiasynyŋ basqa būrynǧy tūtqyndary da jaǧdaidy osylai sipattady.
BELGISIZ MÄLIMETTER JÄNE BÜLIKŞIL TŪTQYN
2023 jyldyŋ küzınde Gülnara Karimovanyŋ üi qamaǧyna alynǧany turaly beiresmi aqparat paida bolǧan edı. Mūndai derektıŋ tarauyna qyzy İmannyŋ Ūlybritaniiadan Özbekstanǧa jiı keluı sebep boldy.
Kezınde derekközder Gülnara Karimova uaqytynyŋ köp bölıgın üide ötkızetının jäne qajet bolǧan jaǧdaida ǧana türmege keletının mälımdegen. Alaida būl habar resmi rastalǧan joq.
Jurnalispen söileskende aty-jönın ataǧysy kelmegen №21 äielder koloniiasy qyzmetkerınıŋ aituynşa, Gülnara Karimovanyŋ mäselesı osy mekeme äkımşılıgı üşın naǧyz bas auruyna ainalǧan. Alaida, sūhbattasuşy Gülnara Karimovanyŋ üi qamaǧyna alynǧandyǧy turaly habarlamaǧa jauap bergen joq.
Äielder koloniiasy qyzmetkerınıŋ aituynşa, Gülnara Karimovanyŋ tuystarymen kezdesuınde eşqandai artyqşylyq joq. Oǧan zaŋdy türde tuystarymen kezdesuge rūqsat etılgen. Bıraq kezdesu uaqytynda ony köruge eşkım kelmegen.
"Mekeme basşylary Gülnara Karimovanyŋ mınez-qūlqy men basqa tūtqyndarǧa qatysty arandatuşylyqtary turaly bırneşe ret joǧary basşylyqqa jügınuge mäjbür boldy. Bızge, jedel qyzmetkerlerge, ony ūstauda saq boludy tapsyrdy. Sondai-aq, "oǧan erekşe qaramau" kerektıgı de eskertıldı», - deidı Zäŋgı-atadaǧy äielder koloniiasynyŋ qyzmetkerı.
Basqa da derekközder Özbekstannyŋ tūŋǧyş prezidentı İslam Karimovtyŋ qyzy türmede jiı narazylyq aksiialaryn ötkızetını turaly aqparatty rastady. Sondaida mekeme basşylary bırneşe ret jazany oryndau departamentıne jäne arnaiy prokuraturaǧa jügınuge mäjbür bolǧan.
Özbekstannyŋ qylmystyq-atqaru kodeksınıŋ talaptaryna säikes, qazırgı uaqytta Gülnara Karimovany basqa koloniiaǧa auystyru nemese şartty türde merzımınen būryn bosatu merzımderı ötıp kettı.
Mälımetterge qaraǧanda, Gülnara Karimova memleket pen azamattardyŋ müddelerıne 1 trln 270 mlrd 200 mln somdy, 1 mlrd 651,8 mln AQŞ dollaryn, 26,1 mln eurony qūraityn zalal keltırgen. Ol 2019 jyldyŋ köktemınen bastap Taşkent oblysynyŋ Zäŋgı-ata audanyndaǧy №21 äielder koloniiasynda jazasyn ötep jatyr.
