Aqtaýdaǵy ákimshilik quqyqbuzýshylyqtar jónindegi mamandandyrylǵan sotta Astana – Aqtaý baǵytyndaǵy reıste jolaýshynyń bortserikke shabýyl jasaý deregine qatysty úkim shyǵaryldy. Bul týraly "Lada" basylymy jazdy, dep habarlaıdy “Adyrna” ulttyq portaly.
Quqyq qorǵaý organdary jolaýshynyń áreketin "usaq buzaqylyq" dep baǵalap, QR ÁQBtK-niń 434-baby 1-bóligi boıynsha ákimshilik quqyqbuzýshylyq týraly hattama toltyrǵan. Atalǵan baptyń sankııasy retinde 20 AEK (78 640 teńge) kóleminde aıyppul ne 5-ten 15 táýlikke deıin ákimshilik qamaýǵa alý qarastyrylǵan.
Sot otyrysy barysynda er adam kinásin tolyq moıyndap, jasaǵan áreketine shyn júrekten ókinish bildirdi. Sondaı-aq, ol asyraýynda bes balasy bar ekenin aıtyp, sottan aıyppulmen jazalaýdy surady.
Onyń kinási jábirlenýshiniń túsiniktemesi men túsindirý haty, polıııa ınspektorynyń raporty, ákimshilik quqyqbuzýshylyq týraly hattama jáne istiń basqa da materıaldarymen dáleldengen.
Sot úkim shyǵarǵan kezde onyń kináni tolyq moıyndaýy, shyn kóńilden ókinish bildirýi jáne bes balasynyń baryn jaýapkershilikti jeńildetetin mán-jaılar retinde eskerdi. Iske baılanysty aýyrlatatyn mán-jaılar anyqtalǵan joq.
"Sot qaýlysy boıynsha, K. QR ÁQBtK-niń 434-baby 1-bóligi boıynsha kináli dep tanylyp, oǵan 55 048 teńge kóleminde ákimshilik aıyppul salyndy. Sot jaýapkershilikti jeńildetetin mán-jaılardy eskere otyryp, ÁQBtK-niń 829-11-babynyń 2-tarmaǵyna sáıkes aıyppul kólemin 30 paıyzǵa qysqartty", – dep habarlady sottyń baspasóz qyzmeti.
Eske salsaq, jolaýshy men bortserik arasyndaǵy janjal 20 sáýirde saǵat 00:05-te ushaq Aqtaýǵa qonǵannan keıin bastalǵan. Jolaýshylardyń biriniń aıtýynsha, janjaldy bastaǵan adam ushaq salonynda uıaly telefonyn umytyp ketken.
Bortqa qaıta kirýge áreket jasaǵan jolaýshyny bortserik toqtatyp, ushaqtan áli adamdar shyǵyp jatqandyqtan, sál kúte turýyn suraǵan. Telefon ıesi eskertýge qulaq aspaı, ishke kirýge áreket jasaı bergen soń, bortserik ony ózi baryp ákelip beretinin aıtqan. Alaıda jolaýshy áýekompanııa qyzmetkeriniń sońyna jarmasyp, onyń betine soqqy jasaǵan.
