Qazaqstan men Reseı «Baıkal» kópmaqsatty ushaq jasaý boıynsha ǵylymı-zertteý jáne tájirıbelik-konstrýktorlyq jumystardy oryndaý týraly kelisimshartqa qol qoıdy, dep habarlaıdy “Adyrna” ulttyq portaly Elorda Info saıtyn silteme jasap.
Kelisimge qazaqstandyq avıaııa ındýstrııasynyń bas dırektory Danııar Amangeldın men «Oral azamattyq avıaııa zaýyty» AQ Bas dırektory Vadım Badeha qol qoıdy.
Is-shara MAKS-2021 halyqaralyq avıaııalyq-ǵarysh salony alańynda ótti.
«Bul kelisimge qol qoıý – birinshi kezekte, Qazaqstannyń Reseımen birlesip avıaııa salasyn damytý nıetin kórsetetin qadam. Sońǵy jyldarda respýblıkamyz qol jetkizgen tehnologııalyq damý bizge osy jobaǵa óz úlesimizdi qosýda belgili bir rólge ıe bolýǵa múmkindik beredi», – dep atap ótti D.Amangeldın.
Óz kezeginde V. Badeha «Baıkal» bul ortalyq qalalardan alys ornalasqan jergilikti jelilerde jumys isteýge arnalǵan jańa ámbebap aımaqtyq ushaq ekenin aıtty. Buǵan deıin MAKS-2021 alańynda alǵash ret «Baıkal» LMS-901 kópmaqsatty jeńil ushaǵy tanystyryldy. Týrboburandaly ushaqtyń kreıserlik jyldamdyǵy 300 km/saǵ, ushýdyń eń joǵary qashyqtyǵy – 3000 km, topyraqty jolaqtardan ushýdyń mınımaldy qashyqtyǵy – 220 m.
Ushaq keminde 1500 km qashyqtyqqa eki tonna júktemeni jetkizýge qabiletti bolady. Onyń baǵasy sheteldik básekelesterden 30-50%-ǵa tómen bolady delingen.
