Foto: Supernova+
28-29 qazan künderı Resei äskerı Ukrainanyŋ bırneşe qalasy men oblysyna soqqy jasady. Ukraina bilıgınıŋ mälımetınşe, şabuyldar saldarynan kemınde 19 beibıt tūrǧyn qaza tauyp, 40-tan astam adam jaralanǧan. Qaza tapqandar arasynda balalar da bar, dep habarlaidy "Adyrna".
Eŋ auyr şabuyldardyŋ bırı Dnepr qalasyndaǧy temırjol vokzalynda boldy. Dron jolauşylar poiyzyna soǧylyp, 14 adam qaza tapty, taǧy 14 adam jaralandy. Zardap şekkenderdıŋ arasynda 11 jastaǧy bala bar.
Chernigovte ekı 15 jastaǧy qyz köz jūmyp, toǧyz adam jaraqat aldy. Kremenchuk qalasynda dron tūrǧyn üige soǧylyp, üş adam qaza tapty, 19 adam jaralandy.
Sonymen qatar İziumde basqarylatyn aviabombalar bes qabatty tūrǧyn üige tüstı. On adam zardap şegıp, üiındı astynda taǧy tört adam qaluy mümkın.
Zaporoje, Harkov, Sumy jäne Rovno oblystarynda da şabuyldar tırkeldı. Rovno oblysynda bır adam qaza tapsa, Harkovte bır tūrǧyn köz jūmdy. Kiev oblysyndaǧy qūs fabrikasynda ört şyǧyp, şamamen 15 myŋ qūs qūtqaryldy.
Ukraina bilıgınıŋ deregınşe, Donesk oblysyndaǧy belsendı ūrys aimaǧynda älı de 57 myŋǧa juyq beibıt tūrǧyn bar. Olardyŋ 1,7 myŋnan astamy – balalar.
