Qazaqstan halqy assambleıasynyń XXXIV sessııasynyń plenarlyq otyrysynda prezıdent Qasym-Jomart Toqaev memlekettik tildiń mártebesi jaıly sóz qozǵady. Bul týraly Aqorda jazdy, dep habarlaıdy “Adyrna” ulttyq portaly.
«Búginde túlekterdiń 80 paıyzǵa jýyǵy Ulttyq biryńǵaı testileýdi memlekettik tilde tapsyrady. Bıyl alǵash ret mektepke baratyn balalardyń 70 paıyzdan astamy qazaq tilinde oqıtyn bolady. Árıne, elimizde azamattar bir-birin nemese minberde sóılep turǵan adamdy «myna tilde sóıle» dep májbúrlemeýge tıis. Til máselesin tý etip qoǵamda alaýyzdyq týǵyzǵysy keletin, el ishindegi jaǵdaıdy shıelenistirýge umtylatyn árbir áreketke tosqaýyl qoıylyp, zań júzinde jazalanady. Bul rette úı ishindegi ǵana emes, shetelde otyryp áldebir uıymdardyń aqshasy men tapsyrmasyna destrýktıvti áreketpen aınalysatyn arandatýshylar týraly da aıtyp otyrmyz», - dedi Toqaev.
Onyń aıtýynsha, byltyr Ulttyq quryltaı otyrysynda birlik, otanshyldyq, táýelsizdik jáne kelisim memleketimizdiń negizgi qundylyqtary retinde atalǵan edi.
«Bári de osy qundylyqtardan bastalady. Sondyqtan osy jerde taǵy da qaıtalap aıtqym keledi: halqymyzdyń tatýlyǵyn buzyp, el ishine iritki salǵysy keletinder zańǵa sáıkes qatań túrde jaýapqa tartylady, tıisti jazasyn alady. Al yntymaq pen birlikti nyǵaıtýǵa úles qosqan azamattar árdaıym zor qurmetke ıe bolady», - dedi ol.
