Astanada Qarjylyq monitoringı agenttıgı (QMA) men Zakon.kz internet-basylymynyŋ ūiymdastyruymen sifrlyq qauıpsızdık pen qarjylyq alaiaqtyqtan qorǧanu mäselesıne arnalǧan forum öttı, dep habarlaidy "Adyrna" ūlttyq portaly.
Is-şara Ǧylym jäne joǧary bılım ministrlıgı men Astana qalasynyŋ äkımdıgınıŋ qoldauymen "Zaŋ jäne tärtıp" tūjyrymdamasy aiasynda öttı.
Forumǧa memlekettık organdardyŋ ökılderı, Parlament deputattary, qarjy sarapşylary, blogerler, jurnalister jäne elordalyq joǧary oqu oryndarynyŋ studentterı qatysty. Spikerler internet-alaiaqtyqtan qorǧanu, dipfeikterge qarsy ıs-qimyl, derbes derekterdı qorǧau jäne dropperlık shemalar jaily keŋester berdı.
"QMA men Zakon.kz bırlesıp halyq arasynda qūqyqtyq sauattylyqty arttyru boiynşa jūmys ısteidı. Forum barysynda jastar zamanaui gadjetter men äleumettık jelılerdı paidalana otyryp sifrlyq gigienany saqtau joldaryn üirenedı", – dedı "Iýrİnfo" JŞS Bas direktory Mihail Kolomin.
QMA-nyŋ Prevensiia jäne analitikalyq äzırlemeler departamentı basşysynyŋ orynbasary Andrei Davydov Qazaqstanda 2025 jyldyŋ basynan berı dipfeikterge bailanysty 40-tan astam qylmystyq ıs tırkelgenın atap öttı. Ol internet-alaiaqtyqtan qorǧanu üşın paidalanuşylarǧa kelesı keŋesterdı berdı: beitanys adamdarǧa aqşa jıbermeu, şūǧyl ötınışterge asyqpau, fotosuretter men videolardy senımsız tūlǧalarǧa joldamau, dauystyq habarlamalarǧa saqtyqpen qarau.
Sarapşylar sifrlyq gigiena negızderın saqtau arqyly qazaqstandyqtardy jahandyq jelınıŋ senımdı paidalanuşylary boluǧa şaqyrdy. Sonymen qatar, jasandy intellekt negızındegı QMA-nyŋ Ai-ofiserı men PRG.Komek Aİ-qyzmetı qatysuşylarǧa sūraqtaryna naqty jauap berıp, qūqyqtyq mäseleler boiynşa keŋes berdı.
Forum barysynda qatysuşylar qarjylyq alaiaqtyqtyŋ jaŋa türlerı, onyŋ ışınde dipfeikter men dropperlık shemalar turaly aqparat alyp, sifrlyq qauıpsızdık pen jauapkerşılıktı saqtau joldaryn üirendı.
