Qazaqstandyq jas shahmatshylar Grekııanyń Rodos aralynda ótken rapıd jáne blı boıynsha jasóspirimder arasyndaǵy álem chempıonatynan 10 altyn jáne 4 qola medal jeńip aldy, dep habarlaıdy “Adyrna” ulttyq portaly.
Týrnırge 49 elden 8 ben 18 jas aralyǵyndaǵy 433 sportshy qatysty.
Qazaqstan shahmat federaııasynyń málimetinshe, óz jas kategorııalarynda rapıd pen blıten chempıon atanǵandar – Alısha Bısalıeva, Amırjan Anetov, Erǵalı Súleımen jáne Elnaz Qalıahmet. Sonymen qatar, rapıdten birinshi oryndy Adınur Ádilbek pen Aıarý Altynbek ıelendi. Buǵan deıin qazaqstandyqtar jyl saıyn tek 2-3 altyn medalmen oralyp júrgen edi. Bıylǵy nátıje – rekordtyq kórsetkish.
Grekııada eki qola medaldi Jansaıa Sholpanbek enshilese, blıte úshinshi orynnan kóringender – Súleıman Nuraqyn men Danııal Sapenov.
Týrnırdiń basty qaharmany 8 jastaǵy Alısha Bısalıeva boldy. Astanalyq shahmatshy rapıd pen blı boıynsha 22 partııanyń barlyǵynda jeńiske jetip, qarsylastaryna esh múmkindik qaldyrmady.
«Bizdiń jas shahmatshylarymyzdyń nátıjesi barlyq kútkenimizden asyp tústi! Jetkinshekterimiz keremet oıyn kórsetti. Ár halyqaralyq týrnırde ózderin tanytyp júrgen jańa tolqynmen maqtanamyz. Júıeli jumys pen jastarǵa degen senim – osyndaı jeńiske jetkizetin jol», – dedi Qazaqstan shahmat federaııasynyń prezıdenti Tımýr Týrlov.
FIDE uıymdastyrǵan bul chempıonat alty jas sanatynda, uldar men qyzdar arasynda bólek ótti. Qazaqstannan 22 shahmatshy qatysyp, olardyń toǵyzy júldeger atandy.
Baıqaýlar shveıarııalyq júıe boıynsha 11 týrdan turdy. Rapıdte ár oıynshyǵa 15 mınýt jáne ár júris saıyn 5 sekýnd qosymsha ýaqyt berildi, al blıte ýaqyt formaty «5+3» boldy.
