Ūlytau oblysynda «Qazaqstannyŋ üzdık tauary», «Altyn sapa» respublikalyq baiqaulary men auyl käsıpkerlıgın damytuǧa baǧyttalǧan «Bır auyl – bır önım» memlekettık baǧdarlamasynyŋ öŋırlık kezeŋı öttı.
Körme-baiqau – otandyq tauar öndıruşılerdıŋ jetıstıkterın körsetıp, jergılıktı käsıpkerlıktı qoldauǧa arnalǧan maŋyzdy alaŋ. Is-şaraǧa öŋırdıŋ önerkäsıp, azyq-tülık öndırısı, bylǧary, kiız jäne kümısten jasalǧan qolöner būiymdary, ūlttyq kiımder men tūtynu tauarlaryn öndıruşıler qatysty. Nätijesınde 9 käsıporyn baǧaly syilyqtarmen marapattalyp, respublikalyq baiqauǧa joldama aldy.
«Bügıngı ıs-şaranyŋ Ūlytau oblysy üşın orny erekşe. Jas öŋır retınde bız damudyŋ jaŋa kezeŋıne qadam basyp, käsıpkerlıktı qoldauǧa, jergılıktı öndırıstı damytuǧa basymdyq berıp kelemız. Būl baiqau – öŋırımızdegı ısker jandardyŋ käsıbi deŋgeiın paş etuge berılgen zor mümkındık»-dedı ıs-şaraǧa arnaiy qatysqan Ūlytau oblysynyŋ äkımı Dastan Ryspekov.
Baiqau aiasynda «Bır auyl – bır önım» baǧdarlamasy boiynşa jergılıktı fermerlık şaruaşylyqtar ūsynǧan bıregei önımderge erekşe köŋıl bölındı. Körme käsıpkerlerge öz önımderın tanystyryp qana qoimai, täjıribe almasuǧa, ıskerlık bailanystar ornatuǧa jäne biznestı damytuǧa qatysty özektı mäselelerdı talqylauǧa mümkındık berdı.
Körme-baiqauǧa kelgen tūrǧyndar men qonaqtar otandyq tauar öndıruşılerdıŋ önımderımen tanysyp, özderıne ūnaǧan tauarlardy satyp aldy.
