Dıplomat, qoǵam jáne memleket qaıratkeri Taıyr Mansurovqa «Názir Tórequlov» monografııasy úshin Reseıdiń 2024 jyl qortyndysy boıynsha «Mádenı ımperıým. Kitaptar men jobalar» (Kýltýrnyı ımperıým. Knıgı ı proekty) ulttyq syılyǵy tabystaldy, dep habarlaıdy “Adyrna” ulttyq portaly.
Bul eńbek Máskeýde «Molodaıa gvardııa» baspasynan ataqty «Ónegeli ómir» (Jızn zamechatelnyh lıýdeı) serııasymen jaryq kórgen jáne birneshe shetel tiline aýdarylǵan. Syılyqty jazýshy, tarıhshy, saraptamalyq keńes tóraǵasy Svıatoslav Rybas tabystady.
Názir Tórequlov — dıplomat, tiltanýshy ǵalym, qoǵam jáne memleket qaıratkeri, 1930–1935 jyldary KSRO-nyń Saýd Arabııasy koroldigindegi tótenshe jáne ókiletti elshisi bolǵan.
Názir Tórequlovtyń muraǵaty tolyq kólemde 1997–1998 jyldary Evgenıı Prımakovtyń qoldaýymen (ol 1994–2001 jj. Reseı Federaııasynyń syrtqy ister mınıstri bolǵan) alynǵan.
Bul isti júzege asyrǵan — 1994–2001 jyldary Qazaqstannyń Reseıdegi tótenshe jáne ókiletti elshisi bolǵan, ekonomıka jáne saıasat ǵylymdarynyń doktory Taıyr Mansurov.
Tórequlovqa qatysty qujattar Reseıdiń syrtqy saıasat muraǵatynan, Reseı memlekettik áleýmettik-saıası tarıh muraǵatynan, Reseı memlekettik muraǵatynan jáne Reseı FSB Ortalyq muraǵatynan alynǵan. Muraǵattyq materıaldardy Taıyr Mansurov tereń zerttep, Názir Tórequlov týraly orys, qazaq, aǵylshyn jáne arab tilderinde 9 kitap shyǵarǵan.
