RF Syrtqy ıster ministrı Sergei Lavrov Mäskeude QR Premer-ministrı – Syrtqy ıster ministrı Mūhtar Tıleuberdımen resmi kezdesuı kezınde jurnalisterdıŋ sūraqtaryna da jauap berdı dep habarlady “Adyrna” ūlttyq portaly zakon.kz-ke sılteme jasap.
Jurnalisterdıŋ bırı: «Qazaqstanda orystarǧa qysym körsetılıp jatyr degendı keibır reseilık BAQ-tar özderı oidan şyǧaryp alyp jürgen joq pa, äitpese Resei Federasiiasynan sanksiialar engızılgennen keiın myŋdaǧan reseilık onsyz da ketıp jatyr emes pe?” – dep sūrady.
«Eger bız aradaǧy odaqtastyq pen strategiialyq ärıptestıktıŋ damuyna qatysty qarym-qatynasymyzdy Reseidegı keibır BAQ-tyŋ jäne Qazaqstandaǧy keibır BAQ-tyŋ negızınde anyqtasaq, bız naqty körınıstı säl būrmalap alamyz dep oilaimyn. Ärdaiym joq jerden bäle ızdeudı, tüimedeidı tüiedei körudı qalaityndar tabylady. Soŋǧy kezderı Qazaqstanǧa qonys audarǧan reseilıkterdıŋ sany turaly aqparatqa qanyq emespın, onyŋ üstıne olardyŋ ketuıne ne itermelegendıgınen de habarym joq», – dep atap öttı Lavrov.Onyŋ pıkırınşe, qonys audaru prosesı tabiǧi türde jüredı.
«Bız bauyrlas eldermız, azamattarymyzdyŋ jürıs-tūrysyna eşqandai şekteuler qoiylmaidy. Bızdıŋ azamattarymyz da, Qazaqstan azamattary da tūrǧylyqty jerın özı taŋdai alady. RF Konstitusiiasynda mūndai qūqyqqa kepıldık berıledı. Bıraq, būl arada eŋ bastysy, bızdıŋ ortaq mındetterımız. Būl turaly bızdıŋ Prezidentterımız 10 aqpanda Kremlde mälımdeme jasady. Reseilıkter men qazaqstandyqtar bır-bırınıŋ aumaǧynda boluynda ıs jüzınde eşqandai aiyrmaşylyq bolmaityndai etıp jaǧdai jasau turaly söz boldy. EAEO şeŋberınde bızdıŋ qarym-qatynastarymyzdy damytu ekonomikalyq, äleumettık jaǧdailarda osyǧan ikemdeluıne qol jetkızudı qamtamasyz etuge arnalǧan. Prezidentımız bızdıŋ aldymyzǧa osyndai naqty mındet qoiyp otyr», – dep sözın qorytyndylady Lavrov.
Ūqsas jaŋalyqtar
