Ресейдің сыртқы істер министрі Сергей Лавров Қазақстан Президенті Қасым-Жомарт Тоқаевтың мемлекеттердің аумақтық тұтастығына құқығы туралы сөздерімен келіспейтінін мәлімдеді. Бұл туралы ол «Коммерсантъ» газетіне берген сұхбатында айтты, деп хабарлайды “Адырна” ұлттық порталы.
Талқылау Қазақстан басшысының «егер ұлттардың өзін-өзі билеу құқығы идеясын басшылыққа алатын болсақ, әлемде көптеген өңірлік қақтығыстар басталады» деген мәлімдемесіне қатысты болды. Лавровтың айтуынша, Тоқаев тек мемлекеттердің аумақтық тұтастық құқығын ескереді.
«Қазақстан президенті Қасым-Жомарт Тоқаевтың сол сөзін есімде сақтап қалдым. Мен онымен келіспеймін. Біз кейін қазақстандық достарымызға өз ұстанымымызды түсіндірдік. Ол үшін тек аумақтық тұтастық құқығы бар сияқты. Мен оған Қазақстан БҰҰ мүшесі болғандықтан, БҰҰ Жарғысын толық көлемде құрметтеуі тиіс екенін айттым», — деді Ресей СІМ басшысы.
Ол БҰҰ Жарғысында халықтардың өзін-өзі анықтау құқығы да көрсетілгенін атап өтті.
«Аумақтық тұтастық құқығы, үкіметі сол аумақта тұратын барлық халықты өкілдік ететін елдерге ғана қатысты қолданылады», — деді Лавров.
