Memleket basshysy Qaýipsizdik Keńesiniń otyrysyn ótkizdi, - dep habarlaıdy “Adyrna” ulttyq portaly Aqordaǵa silteme jasap.
Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń kezekti otyrysy ótti.
Jıyn barysynda terrorızm men ekstremızmge qarsy is-qımyl salasyndaǵy jumystardyń tıimdiligin arttyrý máseleleri qarastyryldy.
Ulttyq qaýipsizdik komıtetiniń tóraǵasy Ermek Saǵymbaev baıandama jasady. Sonymen qatar birqatar salalyq memlekettik organdardyń basshylary málimet berdi.
Memleket basshysy ekstremıstik áreketterdiń alǵysharttaryn anyqtap, olardyń aldyn alý, halyqaralyq terrorızmniń taralýyna jol bermeý, sonyń ishinde zańnamalyq jáne uıymdastyrýshylyq bazany jetildirý, durys aqparattyq saıasatty iske asyrý jónindegi keshendi tásilderdiń mańyzdy ekenin atap ótti.
Otyrys sońynda memlekettik organdarǵa naqty tapsyrmalar berildi.
