Almatyda erlı-zaiyptylardyŋ päterıne kırıp, ielerıne oq atqan 38 jastaǧy er adam ūstaldy. Būl turaly Polisiia departamentı mälımdedı, dep habarlaidy “Adyrna” ūlttyq portaly.
Aqparatqa säikes, 20 jeltoqsanda Almatynyŋ Nauryzbai audanyndaǧy tūrǧyn üi keşenıne qaruly adam basyp kırıp, ekı adamdy atyp ketken. Polisiianyŋ mälımetınşe, qaraqşylyq şabuyl saldarynan erlı-zaiyptylar auyr jaraqat alǧan. Olar qazır auruhanada.
Būl qylmysty aşu maqsatynda jedel-tergeu toby qūryldy. Şabuyl jasaǧan adamnyŋ kım ekenı anyqtaldy. Būl – Jetısu oblysynyŋ 38 jastaǧy tūrǧyny. Ol bır kün būryn ūstalyp, qamauǧa alyndy.
Küdıktı jaqynda ǧana özı baryp, jaŋa jihazdaryn ornatyp bergen erlı-zaiyptyny tonamaq bolǧanyn moiyndady. Sol kezde olardyŋ seifın baiqap qalǧan. Betın medisinalyq maska jäne şarfpen jasyryp, jūma künı taŋerteŋ olardyŋ esıgınıŋ qoŋyrauyn basqan. Jäbırlenuşılerdı tapanşamen qorqytyp, olardan aqşa beruın talap etken. Alaida otaǧasy kömekke şaqyra bastaǧan. Osy kezde küdıktı erlı-zaiyptyny atyp, qaşyp ketken.
Sotqa deiıngı tergeu jalǧasyp jatyr. Qylmystyŋ basqa da män-jailary anyqtalady.
Ūqsas jaŋalyqtar
