- Ermek aǵa, bilim salasynda bilek sybanyp turyp, qyzmet istep júrgen belsendi azamattyń birisiz. Qazir el ishi jappaı jasandy aqyl oı týraly kóp aıtyp júr ǵoı. Osy rette Qazaqstandaǵy aıtı álemdik standarttarmen salystyrǵanda qaı deńgeıde?
- Artyq aıtty dep sókpeńiz, bizdiń aıtı kadrler álemdik naryqta myqtap óz ornyn almaqqa ynta-shyntasymen tyrysyp júr. Oǵan 2019 jyly qurylǵan «Alem School» mektebi de óz úlesin qosty dep batyl aıta alamyn. Eń qyzyǵy bul zamanaýı mekteptiń muǵalimi men dekany, tipti sabaq kestesi de joq. Bilim qýǵan balalarǵa arnaıy tapsyrmany 24 saǵat jumys jasap turatyn kompıýterdegi baǵdarlama berip otyrady. AITI fabrıka dep baǵalanǵan mektep – oqýshysyna bilim ǵana emes, ınnovaııalyq sheshim qabyldaý, sandyq júıeni sheber meńgerý, eń bastysy birigip, komandamen jumys jasaýdy úıretedi. Jáne bilimdi muǵalim emes, balalar jáne kompıýterlik baǵdarlama baǵalap otyrady.
- Qyzyq eken, aıtı salasy úshin dástúrli bilim berý jaramaı qaldy deısiz ǵoı? Bul mektepke túsý úshin qandaı bazalyq bilimiń bolýy shart?
- Qatyp qalǵan shekteý joq. Mysaly bizde shahter bolyp jumys istegen adam kelip, programmıst bolyp shyqty. Buryn telefon satýshy bolǵandary da bar. Aıtpaǵym — bizdegi oqýdyń bir ereksheligi: ol — geımıfıkaııa, ıaǵnı, oıyn negizinde qurylǵan, al stýdent oqý basynan ózin sol oıynnyń keıipkeri retinde sezinedi. Ári ár synaqtan ótken saıyn sol oıynnyń keıipkeri retinde nátıje kórsetip, sol oıynnyń keıipkeri retinde upaı jınaıy jáne basqa stýdenttermen básekelesedi jáne ózara komanda quryp, birge jumys jasaıdy. Osynyń nátıjesinde stýdentterdiń qyzyǵýshylyǵy óte joǵary. Oıyn negizinde osy oqýdy bitirip shyǵady.
- Bilýimshe, franýz kásipkeri Haver Nıldiń ádisimen salynǵan mundaı mekteptegi bilim alý uzaqtyǵy úsh jyl. Bizde qalaı?
- Iá, durys aıtasyz. Bastapqyda biz osy ádispen bilim aldyq, ýaqyt óte kele óz platformamyzdy ázirlep aldyq. Sondyqtan bizdegi bilim berý bir jyl. Basy artyq dıplom, sertıfıkat suramaımyz. Bazalyq aǵylshyn tiliń bolsa, yntań bolsa — marhabat!
- Bes jylda qansha stýdentti daıarlap shyqtyńyzdar?
- Bes jylda on toǵyz myńnan asa azamattan oqýǵa ótinish tústi. 900 den astam stýdent qabyldandy. Onyń alty júzin eńbek naryǵyna saqadaı saı etip, daıyndap shyǵardyq. Jumysqa ornalasý kórsetkishi óte joǵary. Bitire sap, basqa baǵytqa ketip qalatyn shákirt az. Bylaı aıtaıynshy, oqýǵa túskennen keıingi jarty jylda-aq shákirtterdiń alpys paıyzy jumysqa turady. Al oqýdy bitirgennen keıin jumysqa ornalasqandar toqsan paıyzdy qurap otyr. «Alem School» endi ashylǵanda Ortalyq Azııa memleketteriniń ishinde R2R prınıpimen oqytatyn biregeı bilim berý ordasy bolǵan, qazir básekelesterimiz kóp.
- Ermek aǵa, suhbattyń basynda jasandy aqyl oıdyń dendep enip jatqanyn aıtyp óttik qoı. Osy týraly da pikirińizdi bilgimiz keledi.
- Bul sala bizdiń stýdentterge ǵana qatysty emes, bárimizdi ómirde de, turmysta da, jumysta da myqtap qamtyp aldy ǵoı. Dese de ásirese, bizdiń shákirtter oqý barysynda jasandy aqyl oıdyń kómegin tıimdi qoldaný úshin kásibı múmkindikterin tereń paıdalanyp júr. Bolashaqta oń jemisin kóremiz dep senem.
- Ermek aǵa, sizdiń aıtı mektepte jýrnalısterdi daıyndaý josparda bar ma? Aqparatty barynsha tıimdi jetkizý jolynda jasandy aqyl oıdyń múmkindigi mol ǵoı?
- Naqty aıtı salasyndaǵy jýrnalısterdi daıarlap shyǵý josparda joq. Biraq oılanyp kórýge bolatyn qyzyq saýal eken. Data analıtıka, kıberqaýipsiz salasyn damytý salasyn qolǵa aldyq qoı, al Siz aıtyp otyrǵan aqparattyq qaýipsizdik aıtımen tyǵyz baılanysty.
- Mán-maǵynaly suhbatyńyz úshin kóp raqmet, sizge jáne sizdiń shákirtterińizge tolaǵaı tabys tileımiz!
