14 sáýirde Qyrǵyzstan syrtqy ister mınıstrligi Máskeýde qyrǵyz azamattarynyń ne sebepti jappaı ustalǵanyn anyqtaý maqsatynda Reseıdiń Bishkektegi elshisi Sergeı Varkýnovty shaqyrtty, dep habarlaıdy «Adyrna» tilshisi.
Mınıstrlik mán-jaıdy túsindirýdi surap, elshige nota tapsyrdy.
«Reseı tarapyna quqyq qorǵaý organdary júrgizgen operaııanyń, sondaı-aq azamattarǵa qarsy kúsh qoldanýdyń sebebi týraly aqparat berý jáne kúsh qoldaný negizsiz bolǵan jaǵdaıda osy oqıǵaǵa baılanysty Máskeý qalasynyń quqyq qorǵaý organdarynyń ókilderine qatysty tıisti sharalar qoldanýdy suraıtyn resmı nota tabystaldy», - delingen habarlamada.
Odan bólek, mınıstrlik Qyrǵyzstan azamattarynyń quqyqtaryn qorǵaý jáne vedomstvoda eki eldiń qarym-qatynasyna zııan tıgizýi múmkin osyndaı jaǵdaılarǵa jol bermeý jóninde sharalar qabyldaýdy surady.
Eske salaıyq, buǵan deıin áleýmettik jelide Máskeýdegi «Bodrost» monsha kesheninde qyrǵyzstandyq mıgranttarǵa jasalǵan qorlyq týraly aqparat taraǵan edi. Sol kúni monshada bolǵan qyrǵyz azamattary esh sebepsiz taıaq jegenderin málimdedi. Zardap shegýshilerdiń biri polıııa qyzmetkerleriniń bes saǵattan ótkennen keıin ǵana oqıǵa ornyna kelgenin jetkizdi. Aıtýynsha, sol kezde monshada shamamen Qyrǵyzstannyń 60 azamaty bolǵan.
Reıd nátıjesinde, resmı derekter boıynsha, 24 adam ustalǵan. Olardyń keıbirine "kóshi-qon zańyn buzǵany úshin" aıyppul salynǵan.
