Astanada turyp jatqan Uly Otan soǵysynyń alty ardagerine Jeńistiń 80 jyldyǵyna oraı 5 mıllıon teńgeden áleýmettik tólem berildi, dep habarlaıdy "Adyrna" ulttyq portaly elorda ákimdiginiń resmı saıtyna siltep.
Sonymen qatar, jeńildikter boıynsha UOS ardagerlerine teńestirilgen sanattaǵy azamattarǵa – soǵys kezinde áskerı qyzmet ótkergenderge, fashıstik Germanııaǵa qarsy kúreske qatysqandarǵa, Lenıngrad qorshaýynda eńbek etkenderge, konlagerlerdiń kámeletke tolmaǵan tutqyndaryna jáne basqa da osyǵan uqsas mártebedegi adamdarǵa – 45 aılyq eseptik kórsetkish (176 940 teńge) kóleminde qarjylaı kómek beriledi.
Sondaı-aq basqa elderdiń aýmaǵyndaǵy áskerı qaqtyǵystarǵa qatysqan ardagerlerge – Tájik-Aýǵan shekarasyndaǵy, Iraktaǵy halyqaralyq bitimgershilik operaııalaryna jáne Taýly Qarabaqtaǵy ultaralyq qaqtyǵystarǵa qatysqandarǵa da 45 AEK mólsherinde tólem taǵaıyndalǵan.
Al tyl eńbekkerleri, qaıtys bolǵan soǵys ardagerleriniń jubaılary jáne qaza tapqan áskerı qyzmetshilerdiń otbasylaryna 15 AEK (58 980 teńge) kóleminde birjolǵy áleýmettik kómek kórsetiledi.
Tólemder sáýir aıynyń sońyna deıin tolyqtaı júzege asyrylady.
Aıta keteıik, Úkimettiń qaýlysymen Jeńistiń 80 jyldyǵyna arnalǵan merekelik is-sharalar jospary bekitilgen bolatyn.
