Resei prezidentı Vladimir Putin Sankt-Peterburgte AQŞ prezidentınıŋ arnaiy ökılı Stiv Uitkoffpen tört saǧatqa sozylǧan kelıssöz ötkızdı, dep habarlaidy "Adyrna" ūlttyq portaly.
Kreml taratqan mälımetke säikes, kelıssözdıŋ basty taqyryby — Ukrainadaǧy jaǧdaidy retteudıŋ türlı joldary. Kezdesu Mäskeu uaqytymen 17:40-ta bastalyp, tört saǧattan astam uaqytqa sozylǧan.
Sapar aldynda Stiv Uitkoff Peterburg qalasyn aralap şyqqan. Būl – Tramptyŋ ökılı men Putin arasyndaǧy üşınşı kezdesu. Būǧan deiın Uitkoff aqpan jäne nauryz ailarynda Mäskeude bolǧan edı.
Aq üi ökılı Karolin Levittıŋ aituynşa, būl kelıssözder atysty toqtatyp, aqyrǧy beibıt kelısımge qol jetkızuge baǧyttalǧan taǧy bır maŋyzdy qadam bolyp sanalady.
Aita keteiık, Donald Tramp būǧan deiın Putinmen kelıssöz jürgıze alatyn jalǧyz adam özı ekenın mälımdegen bolatyn.
Ūqsas jaŋalyqtar
