Astanada biyl 1900 orynǧa arnalǧan 5 studenttık jataqhanaynyŋ qūrylysyn aiaqtap, qoldanysqa beru josparda bar. Al 2025 jylǧa deiın jeke investorlar men joǧary oqu oryndarynyŋ menşıktı qarajaty esebınen 11 myŋǧa juyq orny bar ǧimarattardy paidalanuǧa beru josparda bar. Astanada studenttık jataqhanalar qūrylysyn jobalaityn keŋse aşyldy, dep habarlaidy "Adyrna" ūlttyq portaly elorda äkımdıgınıŋ resmi saityna sılteme körsete otyryp.
Astanada studenttık jataqhanalar salu boiynşa jobalyq keŋse aşyldy. Front-ofistıŋ negızgı mındetı - jataqhanalar salu jönındegı memlekettık baǧdarlamany ıske asyru üşın qolaily jaǧdailar jasau jäne studentterdı tūrǧyn üimen qamtamasyz etu, sol siiaqty JOO-lar men äleuettı investorlarǧa zaŋgerlık, konsultasiialyq jäne saraptamalyq qoldau körsetu.
Jobalyq keŋsenıŋ aşyluynda Astana äkımı Jeŋıs Qasymbek pen QR Ǧylym jäne joǧary bılım ministrı Saiasat Nūrbek qūttyqtau söz söiledı.
«Elordaǧa oquǧa keletın studentter sany jyl saiyn artyp keledı. Qalada 15 joǧary oqu orny bar, onda 67 myŋǧa juyq student oqidy. Olardyŋ bır kölıgı būl qaladan emes. Jauapty ministrlıkpen bırlesıp infraqūrylymdy qūru boiynşa jūmys jürgızemız. Jataqhanalarda kezeŋ-kezeŋımen oryn daiyndaimyz. Būl jūmys investorlardy da, joǧary oqu oryndaryn da jūmyldyra otyryp jürgızıledı. Bız öz tarapymyzdan jer uchaskelerı men äkımşılık mäseleler boiynşa kömek körsetemız», - dedı Astana äkımı Jeŋıs Qasymbek.Biyl «Qarjy ortalyǧy» AQ QR Ǧylym jäne joǧary bılım ministrlıgı äzırlegen jaŋa tetık boiynşa subsidiialauǧa jäne basqa da mäselelerde kömek körsetedı. Būl tetık ärbır tösek-oryn üşın jaŋa jataqhanalar salu kezınde subsidiialardy közdeidı. İnvestorlar, QR Ǧylym jäne joǧary bılım ministrlıgı, Astana äkımdıgı, «Qarjy ortalyǧy» AQ jäne bırqatar JOO arasynda studenttık jataqhanalar salu boiynşa ary qarai da jemıstı yntymaqtastyq ornatu turaly memorandumdar jasaldy.
"Adyrna" ūlttyq portaly
Ūqsas jaŋalyqtar
