Ūly Otan soǧysyndaǧy Jeŋıstıŋ 80 jyldyǧy qarsaŋynda Astanada «Menıŋ Jeŋıs tarihym» atty patriottyq onlain-aksiia bastaldy, dep habarlaidy elorda äkımdıgınıŋ resmi saity.
«Menıŋ Jeŋıs tarihym» chellendjı aiasynda elordalyqtar äleumettık jelıdegı jeke paraqşalarynda soǧysqa qatysqan tuystarynyŋ oqiǧalaryn, sonymen qatar otbasylyq mūraǧat suretterın, estelıkterın jariialaidy.
Qatysuşylar Ūly Otan soǧysyna qatysqan jaqyndaryna arnalǧan fotosuretter men videorolikterdı qysqa äŋgımeler nemese estelık retınde jariialaidy.
Chellendj aiasynda sonymen qatar maidannan kelgen hattardy, batyrlardyŋ erlıgı jaily öleŋderın oqyp, soǧys jyldaryndaǧy änderdı oryndai alady.
Būl chellendjdıŋ maqsaty – soǧysqa qatysqan jaqyndary turaly, sol siiaqty otbasylyq oqiǧalar men mūraǧat materialdaryn taratu. Būl ötkendı mäŋgılık saqtauǧa jäne Ūly Otan soǧysynyŋ batyrlaryna qūrmet körsetuge septıgın tigızedı.
Chellendjge qosylu arqyly ärbır adam Ūly Otan soǧysyndaǧy Jeŋıstıŋ 80 jyldyǧy qarsaŋynda tarihtyŋ saqtaluyna üles qosyp, bırlık ruhyn qoldai alady.
Ūqsas jaŋalyqtar
