Uly Otan soǵysyndaǵy Jeńistiń 80 jyldyǵy qarsańynda Astanada «Meniń Jeńis tarıhym» atty patrıottyq onlaın-akııa bastaldy, dep habarlaıdy elorda ákimdiginiń resmı saıty.
«Meniń Jeńis tarıhym» chellendji aıasynda elordalyqtar áleýmettik jelidegi jeke paraqshalarynda soǵysqa qatysqan týystarynyń oqıǵalaryn, sonymen qatar otbasylyq muraǵat sýretterin, estelikterin jarııalaıdy.
Qatysýshylar Uly Otan soǵysyna qatysqan jaqyndaryna arnalǵan fotosýretter men vıdeorolıkterdi qysqa áńgimeler nemese estelik retinde jarııalaıdy.
Chellendj aıasynda sonymen qatar maıdannan kelgen hattardy, batyrlardyń erligi jaıly óleńderin oqyp, soǵys jyldaryndaǵy ánderdi oryndaı alady.
Bul chellendjdiń maqsaty – soǵysqa qatysqan jaqyndary týraly, sol sııaqty otbasylyq oqıǵalar men muraǵat materıaldaryn taratý. Bul ótkendi máńgilik saqtaýǵa jáne Uly Otan soǵysynyń batyrlaryna qurmet kórsetýge septigin tıgizedi.
Chellendjge qosylý arqyly árbir adam Uly Otan soǵysyndaǵy Jeńistiń 80 jyldyǵy qarsańynda tarıhtyń saqtalýyna úles qosyp, birlik rýhyn qoldaı alady.
