7 sáýirde Sheshenstannyń Achhoı-Martan qalasynda belgisiz jasóspirim patrýldik qyzmet polıeılerine pyshaqpen shabýyl jasady. Bir polıeı aýrýhanada kóz jumdy, taǵy ekeýi jaralandy. Kelesi kúni shabýyl jasaǵan dep aıyptalǵan jasóspirimniń máıiti qala ortalyǵyndaǵy alańǵa qoıyldy, dep habarlaıdy "Adyrna" ulttyq portaly VVS-ge siltep.
Memlekettik mekemelerdiń qyzmetkerleri men mektep oqýshylary mıtıngke qatysýǵa májbúrlendi.
Kýágerlerdiń aıtýynsha, máıit qanǵa boıalǵan qapqa oralǵan kúıde alańǵa jetkizilip, kópshiliktiń kózinshe ashylǵan. Áıelderdiń jylaǵany, keıbiriniń esinen tanyp qalǵany týraly habarlandy. Shara barysynda jergilikti ákim men sharıǵat sotynyń ókili sóz sóılegen.
Oppozıııalyq Telegram-arnalar taratqan vıdeolarda máıit aınalasynda jınalǵan halyqtyń abyrjýly sátteri beınelengen. Máıit keıin basqa orynǵa aýystyrylyp, sol jerde de birneshe ýaqyt jatqany baıqalady.
Bul jaǵdaı qoǵamda úlken rezonans týdyrdy. Reseı prezıdenti janyndaǵy Adam quqyqtary jónindegi keńestiń múshesi Eva Merkacheva muny "ortaǵasyrlyq qatygezdik" dep atap, mundaı áreketterdiń eshqandaı quqyq normasyna saı kelmeıtinin málimdedi.
Respýblıka basshysy Ramzan Qadyrov shabýyldan keıin shuǵyl jıyn ótkizip, shabýyldaýshynyń týystaryn respýblıkadan qýýǵa buıryq berdi. Ol olardyń múlkin tárkilep, satýdy jáne bul qarjyny muqtaj jandarǵa bólýdi usyndy. Eger týystary urpaǵyn toqtatpasa, aldaǵy bir aı ishinde alys týystarynyń da múlki tárkilenip, respýblıkadan shyǵarylady dedi.
Qadyrov shabýyl jasaǵan jasóspirimniń Máskeýden Oraza aıt merekesine kelgenin málimdedi. Onyń aıtýynsha, shabýyl shetelden – Ýkraına men Túrkııadan basqarylǵan bolýy múmkin.
Jýrnalıst Zakır Magomedov bul jaǵdaı Sheshenstanda burynnan qoldanylyp kele jatqan ujymdyq jaza tájirıbesiniń jalǵasy ekenin aıtady. Biraq máıitti kópshilikke kórsetý – buryn-sońdy bolmaǵan áreket ekenin atap ótti. "Bul – úreı týǵyzý tásili, ózgelerge sabaq bolsyn degen eskertý", – deıdi ol.
Qazirgi ýaqytta jasóspirimniń týystary quqyq qorǵaý organdarynda ustalyp otyr. Keıbir málimetterge qaraǵanda, olarǵa soǵysta qyzmet etý arqyly kinásin "óteý" usynylǵan.
Kreml bul jaǵdaıǵa naqty túsinikteme bermeı, aqparattyń oppozıııalyq arnalardan shyqqanyn alǵa tartty.
