RF Daǵystan jáne Sheshenstan aımaqtarynda Telegram messendjeri tolyǵymen buǵattaldy, dep habarlaıdy "Adyrna" ulttyq portaly TASS agenttigine silteme jasap.
Daǵystan Respýblıkasynyń ıfrlyq damý mınıstri Iýrıı Gamzatovtyń málimetinshe, bul shara quqyq qorǵaý organdarynyń usynysymen engizilgen.
"Soltústik Kavkaz federaldy okrýginiń eki aımaǵynda – Sheshenstan men Daǵystanda Telegram buǵattaý týraly sheshim qabyldandy. Sebebi ony aram pıǵyldy adamdar jıi paıdalanyp ketedi. Buǵan Mahachkala áýejaıynda bolǵan tártipsizdikter dálel. Aldaǵy ýaqytta messendjerge salynǵan shekteý alynyp tastalýy múmkin", – dedi mınıstr.
Aıta keteıik, 2024 jyldan bastap Soltústik Kavkaz óńirinde Telegram-nyń jumysy turaqsyz bolǵan. Osyǵan baılanysty jergilikti bılik turǵyndarǵa basqa messendjerlerdi qoldanýǵa keńes berýde.
