Taldyqorǧan qalasynda polisiia qyzmetkerlerı 17 jastaǧy jasöspırımdı jas jıgıttı soqqyǧa jyqty degen küdıkpen ūstady, dep habarlaidy “Adyrna” ūlttyq portaly.
Polisiianyŋ mälımetınşe, küdıktı arnaiy esepke alynǧan, al onyŋ ata-anasy bala tärbiesıne qatysty mındetterın oryndamaǧany üşın jauapkerşılıkke tartylady. Sonymen qatar, jergılıktı bılım bölımıne tiıstı ūsynys jıberılgen.
Būǧan deiın äleumettık jelıde ekı jıgıttıŋ qatty soqqyǧa jyǧylǧan jasöspırımdı köterıp bara jatqan videosy taralǧan bolatyn. Osy oqiǧadan keiın qūqyq qorǧau organdary tergeu jūmystaryn bastaǧan.
“Qylmys jasady degen küdıkpen 17 jastaǧy jasöspırım ūstaldy. Qazırgı uaqytta tergeu ıs-şaralary jürgızılude”, – dep mälımdedı polisiia.
Eske sala ketsek, būǧan deiın Semei qalasynda bır top oquşy qatarlastaryn aiausyz ūryp-soqqany turaly habarlanǧan edı.
Ūqsas jaŋalyqtar
