Almaty jäne Almaty oblysy polisiia departamentterınıŋ būrynǧy bastyǧy Serık Küdebaevtyŋ elden "Qaŋtar qyrǧyny" kezınde qaşyp ketuıne bolysqan bes qyrǧyzstandyqqa aiyppūl salyndy, dep habarlaidy "Adyrna" ūlttyq portaly 24.kg-ke sılteme körsete otyryp.
"Qazaqstandyq general Serık Küdebaevtyŋ qaşyp ketu faktısı boiynşa qylmystyq ıstıŋ bes qatysuşysy jauapqa tartyldy", - delıngen habarlamada.Būǧan deiın barlyq aiyptaluşylar kınäsın moiyndau turaly kelısımge qol qoiǧany naqtylanǧan edı.
"Istıŋ tört qatysuşysy – beibıt tūrǧyndar, besınşısı – ŪQKD Şekara qyzmetınıŋ būrynǧy qyzmetkerı ekenı belgılı. Istı respublikanyŋ Äskeri prokuraturasy jürgızdı. Tergeu aiaqtalǧannan keiın materialdar sotqa berıldı. Aldyn ala mälımetter boiynşa, barlyq qatysuşylarǧa 350 myŋ som aiyppūl salyndy", – dep habarlady redaksiia.Oraiy kelgende aita keteiık, Serık Küdebaev 2022 jylǧy qaŋtar oqiǧasy kezınde bilıgın asyra paidalandy dep aiyptalǧan. Atap aitsaq, Serık Küdebaev QK 370 baby 4-bölıgı 1-tarmaǧy (Auyr zardaptarǧa alyp kelgen qyzmettegi äreketsizdik) boiynşa jazyqty boldy. Ol 2020 jyldan 2022 jylǧa deiın Almaty oblysy polisiia departamentınıŋ bastyǧy bolyp jūmys ıstedı. Prokuraturanyŋ mälımetınşe, sol oqiǧalar kezınde polisiia basqarmasynyŋ būrynǧy basşysy departament ǧimaratynan şyǧyp ketken. Bölımge belgısız bıreuler kırıp, qarudy tartyp alǧan. Sonymen qatar, Prezident Qasym-Jomart Toqaevqa Serık Küdebaevty polisiianyŋ "general-maiory" arnaiy ataǧynan, sondai-aq memlekettık nagradalarynan aiyru turaly ūsynys engızıldı. Biyl qaŋtar aiynyŋ basynda oǧan qatysty sot otyrysy bastaldy. Keiın Jetısu oblystyq sotynyŋ resmi ökılı Nūrsūltan Orynbasarov aiyptaluşynyŋ auruhanaǧa tüsıp qaluyna bailanysty sot otyrysy keiınge qalǧanyn mälımdedı. Alaida keiın Almaty oblysy Polisiia departamentınıŋ būrynǧy basşysy Serık Küdebaev sot otyrysyna keluden bas tartty. Säuırdıŋ basynda Serık Küdebaev şetelge qaşyp kettı degen aqparat tarady. Ūlttyq qauıpsızdık komitetınıŋ Şekara qyzmetı Küdebaevtyŋ Qazaqstannyŋ memlekettık şekarasynan resmi jūmys ıstep tūrǧan beketter arqyly ötpegenın mälımdedı. Sot otyrysyna kelmegendıkten, Almaty oblysy polisiia departamentınıŋ būrynǧy basşysyna halyqaralyq ızdeu jariialandy. Mäjılıs deputaty Erlan Sairov ataǧy dardai generaldyŋ qaşyp ketuıne IIM, şekara qyzmetı ökılderınıŋ qatysy bar ekenın jetkızdı. 27 säuır Bas prokuratura Serık Küdebaevtyŋ Türkiiada ūstalǧanyn rastaǧan. Qūzyrly organ Küdebaevtyŋ Türkiiada tūraqty tūruǧa rūqsat almaq bolǧanyn mälımdedı. Ol 10 jylǧa bas bostandyǧynan aiyryldy.
"Adyrna" ūlttyq portaly
Ūqsas jaŋalyqtar
