Astanada Perizat Qairatqa qatysty basty sot otyrysy jürıp jatyr. Prokuror Madina Orazalina aiyptau aktısın oqydy, dep habarlaidy «Adyrna» tılşısı.
Qūjatqa säikes, Perizat Qairat pen Ǧaini Alaşbaeva asa ırı kölemdegı alaiaqtyq jäne aldyn ala söz bailasu arqyly toppen jasalǧan zaŋsyz tabys közın zaŋdastyru äreketterı üşın aiyptalyp otyr.
Memlekettık aiyptauşynyŋ mälımetınşe, 2018 jyldyŋ qaraşa aiynda “Halyk” qaiyrymdylyq qory äleumettık baǧyttaǧy jobalardy tegın qarjylandyru maqsatynda birgemiz.kz internet-platformasyn ıske qosqan. Būl platforma “Bız bırgemız” ūranymen jūmys ıstep, pandemiia kezınde halyqqa qoldau körsetude keŋınen tanylǧan.
Sotta jariialanǧan aiyptau aktısınde aitylǧandai, Perizat Qairat atalǧan bastamanyŋ qoǧamda ülken qoldauǧa ie ekenın bıle tūra, azamattar men ūiymdar qaiyrymdylyqqa audarǧan qarajatty alaiaqtyq jolmen iemdenudı közdegen. Ol “Bız bırgemız” atauyn paidalanyp, qoǧamdyq bırlestık qūru arqyly qarjyny zaŋsyz jolmen ielenudı maqsat etken.
Sondai-aq sotta qordy qūru barysynda da zaŋ talaptary būzylǧany aityldy. «Qoǧamdyq bırlestıkter turaly» zaŋnyŋ 10-babyna säikes, ūiymdy tırkeu üşın kemınde üş azamattyŋ bastamasy qajet. Alaida 2021 jyldyŋ 14 qyrküiegınde Perizat Qairat qūryltai jinalysynyŋ hattamasyn öz betınşe daiyndap, onda özın jäne Matiuşenko, Maǧzūm, Tūrǧanbai, Amanbai, Bolysov, Hismatulinov, Serıkjanov, Seitkamal men Hafiz esımdı azamattardy qūryltaişy retınde körsetken. Jinalys barysynda ūiym jarǧysy qabyldanyp, basqaru qūrylymy bekıtılıp, Qairat prezident bolyp sailanǧan. Alaida aiyptau aktısınde körsetılgendei, jinalystyŋ töraǧasy men hatşysy dep körsetılgen Matiuşenko men Serıkjanov, sondai-aq basqa da qūryltaişylardyŋ qoltaŋbalary qoldan jasalǧan.
Prokurordyŋ mälımetınşe, jinalǧan qarajattyŋ köp bölıgı Perizat Qairat pen onyŋ anasynyŋ jeke maqsattaryna jūmsalǧan. Olar būl aqşany qymbat äşekeiler men brendtık zattar satyp aluǧa, sondai-aq türlı saiahattarǧa şyǧuǧa paidalanǧan.
Odan bölek, sot otyrysynda Perizat Qairattyŋ joǧary bılımı joq ekenı de aityldy. Būǧan deiın ol University of Nottingham britandyq universitetın Business management mamandyǧy boiynşa bıtırgenın aitqan edı.
