Qarmet kompanııasy 2024 jyldyń qorytyndysy boıynsha óz qyzmetkerlerine syıaqy beretinin málimdedi, dep habarlaıdy "Adyrna" ulttyq portaly.
Kompanııa ujymdyq shartta kórsetilgen barlyq kórsetkishter tolyq oryndalmaǵanyna qaramastan, jumysshylardyń eńbegin baǵalap, olardy qoldaý maqsatynda osyndaı sheshim qabyldaǵanyn atap ótti. Syıaqy 2024 jyldyń 1 qańtarynan 31 jeltoqsanyna deıin jumys istegen qyzmetkerlerge tólenedi. Tólem sharttary men sanattary kásipodaqtarmen kelisilgen.
"2024 jyl – kompanııamyz úshin tolyqqandy alǵashqy jyl boldy. Metall naryǵyndaǵy turaqsyzdyq pen qurylymdyq máselelerge qaramastan, ujym tabandylyqpen eńbek etti. Qyzmetkerlerimizdiń osy jaýapty kezeńdegi eńbegine alǵys retinde syıaqy tóleýdi jón kórdik", – dedi Qarmet bas dırektory Vadım Basın.
Kompanııa basshylyǵy bul qadam qyzmetkerlerdi odan ári yntalandyryp, jańa óndiristik jetistikterge jol ashatynyna senimdi.
«Bul sheshim Qarmet-tiń áleýmettik jaýapkershilik qaǵıdattaryna saı ekenin jáne kompanııa adam kapıtalyna basymdyq beretinin kórsetedi», – dep qosty «Jaqtaý» kásipodaq tóraǵasy Vıktor etının.
