Qaraǵandy oblysynda kenshilerdi bopsalaǵan qylmystyq top ustaldy, dep habarlaıdy "Adyrna" portaly.
Oblys polıeıleri Ulttyq qaýipsizdik komıteti departamenti qyzmetkerlerimen birlese otyryp, qazirgi Qarmet AQ-nyń jumyskerlerimen Abaı qalasy turǵyndaryn bopsalaǵan qylmystyq toptyń múshelerin quryqtaýdyń ekinshi kezeńin ótkizdi.
Tergeý barysynda 55 mıllıon teńgeden astam ózge de bopsalaý derekteri anyqtalyp, kúdiktiler qamaýǵa alyndy. Odan bólek, ustalǵandardyń “Qazaqstan Temir Joly” AQ-nyń obektilerinen taýar-materıal urlaý deregine qatysy bary anyqtalyp otyr.
13 aqpan kúni polıııa departamentiniń uıymdasqan qylmysqa qarsy kúres basqarmasynyń jáne Ulttyq qaýipsizdik komıteti departamentiniń jedel ýákilderi qylmysqa qatysy bar 8 adamdy ustady.
Eske sala keteıik, Ishki ister mınıstrliginiń bergen aqparaty boıynsha ótken jyldyń jeltoqsan aıynda Qarmet kenshilerin bopsalaǵan qylmystyq toptyń 7 múshesi qamaýǵa alynǵan bolatyn.
