Taldyqorǵan qalasynda 16 jastaǵy Sherzat Polattyń qazasyna qatysty qylmystyq is boıynsha aldyn ala sot tyńdaýy ótedi, dep habarlaıdy "Adyrna" ulttyq portaly.
Bul is boıynsha Almaty oblysynyń soty jaýapty bolǵanymen, sot proesi Jetisý oblysy qylmystyq ister jónindegi mamandandyrylǵan aýdanaralyq sot ǵımaratynda uıymdastyrylyp otyr. Joǵarǵy sot muny aıyptalýshylardyń Taldyqorǵandaǵy tergeý ızolıatorynda otyrǵanymen baılanystyrdy.
Sot otyrysy túski saǵat 12:00-de bastalady. Is ashyq formatta qaralady. Sýdıa E.S. Januzaqov tóraǵalyq etedi.
Iske baılanysty toǵyz adam aıyptalýshy retinde tanylyp otyr. Tergeý barysynda barlyǵy 11 kúdikti ustalǵan, alaıda olardyń ekeýi kýáger retinde bosatylǵan. Qylmystyq is "Adam óltirý", "Buzaqylyq", "Qorqytý" jáne "Qylmys týraly habar bermeý" baptary boıynsha qaralýda.
Almaty oblysynyń polıııasy tergegen is 62 tomnan turady. Ishinde 40 sot saraptamasy, 200-ge jýyq kýágerdiń jaýaby jáne segiz vıdeomaterıal bar.
Jábirlenýshi tarapty advokat Meıirman Shekeevtiń keńsesi qorǵaıdy. Qorǵaýshylar qatarynda Jandos Palmanov, Álim Mustafaev, Dına Dosaeva, Nurbolat Ybraev, Baǵdat Amandosuly jáne Bekzat Mıazov bar.
Eske salsaq, Sherzat Polat 2024 jylǵy 4 qazanda Almaty oblysy Talǵar qalasynda «Qamajaı» dúkeniniń aldynda qarýly qaqtyǵys kezinde pyshaqtalyp, kóz jumdy. Qaıǵyly oqıǵa jasóspirimniń ata-anasynyń kóz aldynda bolǵan.
Osy oqıǵadan keıin, 7 qazanda marqumnyń týystary aýdan ákimdiginiń aldyna jınalyp, tergeýdiń ádil ótýin talap etti. Qoǵamda úlken rezonans týdyrǵan bul is Ishki ister mınıstrliginiń baqylaýyna alyndy.
