Ýkraınalyq áskerıler Donek oblysynda Reseı áskeriniń quramynda soǵysqan Qytaıdyń eki azamatyn tutqyndady. Bul týraly Ýkraına prezıdenti Vladımır Zelenskıı málimdedi, dep habarlaıdy "Adyrna" ulttyq portaly.
Ýkraına syrtqy ister mınıstrligi Qytaıdyń Kıevtegi ister jónindegi ýaqytsha senimdi ókilinen osyǵan qatysty túsinikteme talap etý úshin shaqyrǵanyn Ýkraına syrtqy ister mınıstri Andreı Sıbıga habarlady.
AFP agenttigine aty-jónin atamaýdy suraǵan joǵary laýazymdy ýkraın sheneýniginiń málimet boıynsha, áńgime Qytaı Halyq Respýblıkasynyń áskerı qyzmetkerleri týraly emes, Reseı armııasymen kelisimshartqa otyrǵan adamdar jaıynda bolǵan.
Ýkraına prezıdentiniń aıtýynsha, qarýly kúshter Reseıdiń okkýpaııalyq armııasynyń quramynda soǵysqan Qytaıdyń eki azamatyn tutqyndaǵan.
«Bul tutqyndardyń qujattary, bank kartalary, jeke derekteri bar. Okkýpant bólimshelerinde mundaı Qytaı azamattary ekeýden de kóp bolýy múmkin. Qazir barlyq faktiler tekserilip jatyr. Barlaý, SBÝ, Qarýly kúshterdiń tıisti bólimsheleri jumys júrgizýde», — dep jazdy Ýkraına prezıdenti.
France-Presse agenttiginiń habarlaýynsha, Ýkraına Reseıdiń úsh jyl burynǵy basqynshylyǵy bastalǵaly beri alǵash ret Qytaı azamattarynyń óz aýmaǵynda soǵysqa qatysqanyn málimdedi.
Qazirgi ýaqytta Beıjiń bul málimdemelerge qatysty eshqandaı jaýap bergen joq.
AFP agenttigine málim bolǵan qujattarǵa sáıkes, tutqyndalǵan Qytaı azamattarynyń biri 34 jasta, Qytaı halqynyń negizgi etnıkalyq toby sanalatyn han ultyna jatady. Al tirkeýde ortalyq Qytaıdaǵy Sınchjen qalasynda tur.
Prezıdent Zelenskıı syrtqy ister mınıstrine Qytaımen dereý baılanysyp, Pekın bul jaǵdaıǵa qalaı jaýap beretinin anyqtaýdy tapsyrǵanyn habarlady.
Ýkraına syrtqy ister mınıstri Andreı Sıbıganyń aıtýynsha, Qytaı azamattarynyń Reseı áskeriniń quramynda Ýkraınaǵa qarsy soǵysqa qatysýy Qytaıdyń beıbitshilikke qatysty jarııa etken ustanymyna kúmán týdyryp, BUU Qaýipsizdik keńesiniń turaqty múshesi retinde Pekınge degen senimdi álsiretedi.
«Reseıdiń Qytaıdy tikeleı nemese janama túrde bul soǵysqa tartýy — Pýtınniń soǵysty toqtatýǵa emes, ony jalǵastyrýdyń joldaryn izdep jatqanyn kórsetedi. Bul naqty belgi. Buǵan AQSh, Eýropa jáne beıbitshilikti qalaıtyn búkil álemniń jaýaby qajet», — dep málimdedi Ýkraına prezıdenti.
