Qazaqstandyq Shoqan School mektebiniń úsh oqýshysy álemniń eń bedeldi ýnıversıtetteri – Garvard pen Kalıfornııa ýnıversıteti Berklıge (UC Berkeley) oqýǵa qabyldandy, dep habarlaıdy “Adyrna” ulttyq portaly QazTAG-qa siltep.
Sabyrjan Arman esimdi oqýshy Garvard ýnıversıtetiniń kompıýterlik ınjenerııa baǵdarlamasyna tolyq grantpen oqýǵa tústi. Ospan Tomırıs – Garvardtyń ekonomıka fakýltetine, al Jandildaeva Kamılla – UC Berkeley ýnıversıtetiniń Management, Entrepreneurship, and Technology (MET) atty erekshe baǵdarlamasyna qabyldandy. Aıta keteıik, bıyl bul baǵdarlamaǵa 127 myń adam ótinish berip, tek 200 úmitker ǵana iriktelip alynǵan. Sondaı-aq, Arýjan Asyl Ulybrıtanııadaǵy eń úzdik Foundation baǵdarlamalarynyń birine – University College London-ǵa tústi.
Shoqan School negizin qalaýshylar – kásipker Keńes Raqyshev pen ekolog Ásel Tasmaǵambetova – mektep oqýshylaryna jalpy somasy 173 mıllıon teńgeden astam stıpendııa bólgen. Al álemniń úzdik 10 ýnıversıtetine túsken túlekterdiń oqý aqysyn óz qaltalarynan tolyqtaı óteýdi sheshken.
