Almatyda magıstraldyq jylý trassasynda jarylys boldy, - dep habarlaıdy "Adyrna" ulttyq portaly.
Áleýmettik jelide Tólebaev kóshesiniń boıynda jerden ystyq sý atqylaǵan qubyr jarylysynyń vıdeosy paıda boldy.
«Almaty jylý jelileri» JShS Almatynyń Medeý aýdanyndaǵy Tólebaev pen Áıteke bı kósheleriniń qıylysyna jaqyn jerde ornalasqan aýdanda magıstraldyq jylý qubyrynda jarylys bolǵanyn habarlady. Oqıǵa saǵat 13:40-ta dıametri 400 mıllımetrlik qubyrda boldy. Jarylys bolǵan jerdi baqylaýǵa alyp ony «Almaty jylý jelileri» JShS jedel brıgadasy jóndeýde. Apattyń aldyn ala sebebi 1985 jyldan beri jumys istep kele jatqan qubyrdyń tabıǵı tozýy dep ataldy. Jylý jelisiniń isten shyqqan bóligin aýystyrý jumystarynyń qaýipsizdigin qamtamasyz etý úshin Qonaev - Qazybek bı - Panfılov - Áıteke bı kósheleriniń mańynda ornalasqan ǵımarattarǵa ystyq sý jáne jylý berý ýaqytsha toqtatyldy», - delingen habarlamada.
23:00-ge deıin jylý berýdi qalpyna keltirý josparlanýda.
