Almaty halyqaralyq áýejaıyna qatysty 5 jastaǵy Insaf esimdi qyzdyń ólimine baılanysty sotqa talap aryz berildi, dep habarlaıdy "Adyrna" ulttyq portaly.
Marqum búldirshinniń otbasyn qorǵaýshy advokat Dánilhan Shaǵataevtyń aıtýynsha, Nıý-Delıden Air Astana reısimen kelgen qyz aýyr hálde bolǵanyna qaramastan, áýejaıda jalpy tártip boıynsha pasporttyq baqylaýdan ótýge májbúr bolǵan. Sonymen qatar, oǵan qajetti arnaıy jedel járdem kóligi emes, múgedekterge arnalǵan arba usynylǵan.
Qaıǵyly oqıǵa 2025 jyldyń qańtar aıynda oryn aldy. Insaf ata-anasy jáne reanımatolog dárigermen birge ushyp kelgen. Ushý barysynda ol ottegimen, arnaıy medıınalyq jaǵdaıda tasymaldanǵan. Alaıda Almaty áýejaıyna qonǵan soń, arnaıy reanımobıl kire almaı, oǵan ruqsat berilmegen. Sol sebepti, qyz ambýlıft arqyly ushaqtan termınalǵa jetkizilgen. Bul qurylǵy múgedek jolaýshylarǵa arnalsa da, aýyr háldegi balany tasymaldaýǵa beıimdelmegen.
Advokattyń aıtýynsha, áýejaıdaǵy jaǵdaı ushýǵa deıingi daıyndyqqa múldem qaıshy bolǵan. "Bala arnaıy medıınalyq baqylaý arqyly emes, ádettegi jolaýshylar sekildi pasporttyq tekseristen ótti", – dedi ol.
Ushýdan keıin Insaf qos ókpesinen pnevmotoraks alyp, jansaqtaý bólimine tústi. Ókinishke qaraı, 9 aqpanda kóz jumdy.
Túrksib aýdandyq soty balanyń otbasynan túsken talap aryzdy qabyldap, azamattyq isti qaraýǵa daıyndaýdy bastady.
Air Astana kompanııasy óz tarapynan áýejaı qyzmetterin aldyn ala eskertkeni týraly málimdedi. Al áýejaı ókilderi múgedek arba ákelingenin túsindirmegenimen, jedel járdem kóligin shaqyrýdy usynǵandaryn, biraq ata-anasy bul usynystan bas tartqanyn alǵa tartty.
