Almatyda sauda oiyn-sauyq ortalyqtary men bazarlarda vaksinasiialau jürgızu josparlanuda. Būl turaly qalalyq qoǧamdyq densaulyq saqtau basqarmasynyŋ ökılı Laura Myrzaǧali mälımdedı, - dep habarlaidy "Adyrna" ūlttyq portaly Tengrinews.kz-ke sılteme jasap.
Laura Myrzaǧalidıŋ aituynşa, qazır Almatyda emhanalarda 35 vaksinasiialau bölmesı bar. Jaqynda taǧy 15 punkt aşylady dep josparlanuda.
«Bälkım keleşekte būl punktter jeke klinikalarda öz jūmysyn bastauy mümkın. Bız halyqty sauda üilerınde, bazarlarda vaksinasiialau mäselesın qarastyryp jatyrmyz», - dedı ol.Sondai-aq, qalalyq qoǧamdyq densaulyq saqtau basqarmasynyŋ ökılı, jazǧa deiın Almatyǧa 197 myŋnan astam vaksina jetkızıledı dep kütılude dedı.
«Bız säuır aiynda 65200 dozany, mamyrda da 65200 dozany jäne mausymda 67000 vaksina dozasyn kütemız. Kelesı kezekte revaksinasiia jasalady jäne būl sandar da däl osyndai bolady», - dedı Laura Myrzaǧali.
"Adyrna" ūlttyq portaly
Ūqsas jaŋalyqtar
