Qazaq elınıŋ seismolog ǧalymdary ǧylymi zertteulerge iek arta otyryp, aldaǧy uaqytta elımızde boluy mümkın jer dümpulerıne qatysty boljam jasady. Būl jaily "Qazaqstan" ūlttyq arnasy habarlady, dep jazdy "Adyrna" ūlttyq portaly.
"Qazaqstan" ūlttyq arnasynyŋ jurnalisterı daiyndaǧan materialda mamandar bylai jazady:
- Almatyda joiqyn jer sılkınısı bola ma? Seismologtar boljam jasady. Qazaqstandyq seismologtar Almaty aimaǧynda jetı baldyq joiqyn jer sılkınısınıŋ yqtimal qaupın baǧalady. Elımızdıŋ oŋtüstık jäne oŋtüstık-şyǧys bölıkterı seismikalyq qauıptı aimaqta ornalasqan. Äsırese, Almaty aumaǧy. Mūnda 1887 jäne 1911 jyldary küştı jer sılkınısı bolǧan. Qazırgı taŋda megapoliste dümpudıŋ ortaşa merzımı boiynşa qorytyndy äzırlendı.
Qūrmettı oqyrman, esterıŋızge sala keteiık, Türkiianyŋ oŋtüstık-şyǧysy men Siriia aimaǧynda altynşy aqpan künı jer sılkındı. Zılzalanyŋ magnitudasy 7,6 baldy qūrady.
Qazaq elındegı jer tolqynysyna beiım aimaqtarǧa qatysty 2018 jyly jariialanǧan dereknamada:
«Qazaqstan aumaǧynyŋ seismikalyq qauıptı aimaq sanalatyn üşten bır bölıgınde 6 millionnan astam adam tūrady. 400-den astam qalalar men eldı mekender, önerkäsıp äleuetınıŋ 40%-y osy aimaqtarǧa şoǧyrlanǧan. QR seismikalyq audandaryndaǧy (aimaqtarynda) qūrylys» erejelerı jinaǧyna (2.03-30-2017 QR EJ) säikes, Almaty qalasy, Almaty, Atyrau, Aqtöbe, Şyǧys Qazaqstan, Jambyl, Batys Qazaqstan, Qaraǧandy, Qyzylorda, Maŋǧystau, Oŋtüstık Qazaqstan oblystary seismikalyq qauıptı aimaqta ornalasqan. Ūiymnyŋ eskı atauyn jaŋǧyrtudyŋ negızı osynda jatyr» delıngen.
"Adyrna" ūlttyq portaly
Ūqsas jaŋalyqtar
