Almaty qalasynyń Almaly aýdanynda "Jetour" markaly kóliktiń júrgizýshisi joldy ruqsat etilmegen jerinen ótpek bolǵan jeti jastaǵy balany qaǵyp ketti, dep habarlaıdy "Adyrna" ulttyq portaly QazTAG-qa siltep.
Almaty qalalyq polıııa departamentiniń kezekshilik bólimi bergen aqparatqa sáıkes, oqıǵa búgin, 15:30 shamasynda Almaly aýdanynda bolǵan. Baızaqov kóshesimen soltústik baǵytta kele jatqan «Jetour» kóliginiń júrgizýshisi Bógenbaı batyr kóshesinen ońtústikke qaraı ótetin jerden joldy kesip ótip bara jatqan jeti jastaǵy balany qaǵyp ketken.
Soqqydan bala qarsy baǵytta kele jatqan Hyundai kóliginiń ústine qulap tústi. Alǵan jaraqattarynyń saldarynan bala oqıǵa ornynda qaza tapty.
Atalǵan fakti boıynsha Qylmystyq kodekstiń 345-babynyń 3-bóligi (Adam ólimine ákelgen jol-kólik oqıǵasy) boıynsha tergeý bastaldy.
Aıta keteıik, 2 sáýirde Almatyda júk kóligi jaıaý júrginshiler jolynda jeti jastaǵy qyzdy qaǵyp óltirgen bolatyn. Búgin, 3 sáýirde qyz balanyń denesi jer qoınyna tapsyryldy.
